កំពង់ឆ្នាំងៈ នៅថ្ងៃអង្គារ ទី២២ ខែមិថុនា ឆ្នាំ២០២១ កម្លាំងជំនាញការិយាល័យ ប្រឆាំងគ្រឿងញៀន នៃស្នងការដ្ឋាននគរបាលខេត្តកំពង់ឆ្នាំង សហការជាមួយកម្លាំងអធិការនគរបាល ក្រុងកំពង់ឆ្នាំង បានឃាត់ជនសង្ស័យចំនួន០២នាក់ ពីបទរក្សាទុក ជួញដូរ សមគំនិត និងប្រើប្រាស់ ដោយខុសច្បាប់នូវគ្រឿងញៀន នៅចំណុចផ្ទះជួល ភូមិស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង ។

ជនសង្ស័យ៖១-ឈ្មោះសុខ វិចិត្រ ភេទប្រុស អាយុ៣០ឆ្នាំ រស់នៅភូមិត្រពាំងបី សង្កាត់ផ្សារឆ្នាំង ក្រុងកំពង់ឆ្នាំង និងទី២-ឈ្មោះ ផាន់ សុធីតា ភេទស្រី អាយុ២២ឆ្នាំ ស្នាក់នៅផ្ទះជួលក្នុង ភូមិស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង ។

ដកហូតវត្ថុតាងរួមមាន៖ ថ្នាំញៀន ចំនួន០៨កញ្ចប់ ទូរស័ព្ទ ០១គ្រឿង ម៉ូតូ ០១គ្រឿង និងសម្ភារៈវេចខ្ចប់ ឧបករណ៍
ប្រើប្រាស់គ្រឿងញៀនមួយចំនួនទៀត ។

បច្ចុប្បន្ន ជនសង្ស័យរួមទាំងវត្ថុតាង កម្លាំងជំនាញកសាងសំណុំរឿង ដើម្បីចាត់ការបន្តតាមនីតិវិធី ៕