កំពង់ឆ្នាំងៈ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា ស្ត្រីម្នាក់បានស្លាប់ភ្លាមៗ នៅនឹងកន្លែង ខណៈអ្នកបើកម៉ូតូមួយគ្រឿងមិនប្រយ័ត្ន បានបុកពេញទំហឹង នៅលើផ្លូវជាតិលេខ៥៣ ត្រង់ចំណុចចន្លោះបង្គោលគីឡូម៉ែត្រលេខ៣៤-៣៥ ស្ថិតក្នុង ភូមិត្រពាំងក្របៅ ឃុំខ្លុងពពក ស្រុកទឹកផុស កាលពីថ្ងៃទី០១ ខែកក្កដា ឆ្នាំ២០២១ វេលាម៉ោង១៦និង៤០នាទី ។
តាមរបាយការណ៍បានឲ្យដឹងថា ម៉ូតូបង្កម៉ាកហុងដា 125CC ពណ៌ខ្មៅ ពាក់ស្លាកកលេខកំពង់ឆ្នាំង 1K 2582 បើកបរដោយឈ្មោះ ពេជ្រ ប៊ុនឈូ ភេទប្រុស អាយុ២៤ឆ្នាំ រស់នៅ ភូមិទំនប់ថ្មី ឃុំជៀប ស្រុកទឹកផុស ក្នុងដំណើរស្របទិសគ្នាពីកើតឆ្ពោះទៅទិសខាងលិច ។ លុះបើកបរដល់ចំណុចខាងលើក៏បុកអ្នកជិះកង់ឈ្មោះ ជៃ សុខា (ហៅផាន់) ភេទស្រី អាយុ៦១ឆ្នាំ មានទីលំនៅភូមិក្រោយវត្ត ឃុំខ្លុងពពក បណ្តាលស្លាប់នៅកន្លែងកើតហេតុ ។
បន្ទាប់ពីកើតហេតុភ្លាម សមត្ថកិច្ចបានឃាត់ខ្លួនអ្នកបើកបរម៉ូតូនៅកន្លែងកើតហេតុ។
ក្រោយពីធ្វើការវាស់វែង វត្ថុតាង និងជនបង្កបានយកមក អធិការដ្ឋាននគរបាលស្រុកទឹកផុស ដើម្បីបន្តនីតិវិធី ៕
មតិយោបល់