​បុរសប្រើសារធាតុញៀនម្នាក់ ​យក​កាំបិត​ខ្វែវ​កាប់ ទៅលើស្រ្តីម្នាក់បណ្តាលឲ្យ​របួសធ្ងន់​

​បន្ទាយ​មាន​ជ័យ:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា ស្ត្រី​វ័យ​ចំណាស់​ម្នាក់​ត្រូវ​បាន​បុរស​ម្នាក់ ដែល​គេ​ដឹង​ថា​បែក​ថ្នាំ​ញៀន​ យក​កាំបិត​មក​កាប់​បណ្តាល​ឲ្យ​រង​របួសធ្ងន់​បញ្ជូន​ទៅ​សង្គ្រោះ​នៅ​មន្ទីរ​ជា​បន្ទាន់​ភ្លាមៗ​ ។​

​ហេតុការណ៍​បង្ក​ឲ្យ​ភ្ញាក់ផ្អើល​នេះ​ បាន​កើតឡើង​នៅ​វេលា​ម៉ោង​៣​និង​៣៥​នាទី​រសៀល​ថ្ងៃ​ទី​០២​ ខែកក្កដា​ ឆ្នាំ​២០២១​ នៅ​ភូមិ​ថ្មពួក​ ឃុំ​ថ្មពួក​ ស្រុក​ថ្មពួក​ ខេត្តបន្ទាយមានជ័យ​ ។​

​ប្រភព​ព័ត៌មាន​ពី​នគរបាល​ស្រុក​ថ្មពួក​ បាន​ឲ្យ​ដឹង​ថា​ ជន​រង​គ្រោះ​ឈ្មោះ​ ហឿ​ង​ សៃ​នាវ​ ភេទ​ស្រី ​អាយុ​៥៨​ឆ្នាំ​ នៅ​ភូមិ​ថ្មពួក​ ឃុំ​ថ្មពួក​ ខេត្តបន្ទាយមានជ័យ​ ។​ ចំណែក​ជន​ដៃដល់​ឈ្មោះ​ ស្វឿ​ង​ ប៉ុង​ ភេទ​ប្រុស​ អាយុ​៣៥​ឆ្នាំ​ រស់នៅ​ភូមិ​ថ្មពួក​ ឃុំ​ថ្មពួក​ ស្រុក​ថ្មពួក​ ជាមួយ​ជន​រង​គ្រោះ​ ។​

​ប្រភព​ដដែល​បាន​បញ្ជាក់​ថា​​ នៅ​មុន​ពេល​កើតហេតុ​ ជន​រង​គ្រោះ​កំពុង​អង្គុយ​ធ្វើ​ទឹក​សម្ល​នំ​បញ្ចុក​ហូប​ជា​លក្ខណ:​គ្រួសារ​ ជាមួយ​បងប្អូន​ក្នុងភូមិ​៤​ទៅ​៥​នាក់​ មក​ជួយ​ចិតបន្លែ​ នៅ​ក្រោមផ្ទះ​ ស្រប​ពេល​នោះ​ឈ្មោះ​ ស្វឿ​ង​ ប៉ុង​ ជន​ដៃដល់​ញៀន​ថ្នាំ​ បាន​កាន់​កាំបិត​ខ្វែវ​ដើរ​តម្រង់​ចូល​មក​កាប់​អ្នក​ដែល​កំពុង​ធ្វើ​ទឹក​សម្ល​នំ​និង​ចិតបន្លែ​ដោយ​ពុំ​ដឹង​មូលហេតុ​ ។​ ដោយ​ឃើញ​សកម្មភាព​របស់​ជន​ដៃដល់​ដូច​ជា​សាហាវ​ ក៏​នាំ​គ្នា​រត់​ ជន​បែក​ថ្នាំ​នោះ​បាន​ដេញ​តាម​កាប់​អ្នក​ទាំង​អស់នោះ​ តែ​ចៃដន្យ​ស្ត្រី​រង​គ្រោះ​បានរ​ត់ទៅ​ជាន់​ដុំ​ដី​ក្រឡាច់​ជើង​បណ្តាល​ឲ្យ​ដួល​ ត្រូវ​ជនល្មើស​តាម​ទាន់​កាប់​ត្រូវជា​ច្រើន​កាំបិត​ ត្រូវ​ចំ​ជើង​ទាំង​សងខាង​ ដៃ​ទាំង​សងខាង​ និង​ដងខ្លួន​ រង​របួសធ្ងន់​ ត្រូវ​បាន​ក្រុម​គ្រួសារ​បញ្ជូន​ទៅ​ព្យាបាល​នៅ​មន្ទីរពេទ្យ​បង្អែក​ស្រុក​ថ្មពួក​ តែ​ដោយ​របួស​ធ្ងន់ធ្ងរ​ពេក​ បាន​បញ្ជូន​បន្ត​ទៅ​មន្ទីរពេទ្យ​បង្អែក​ខេត្ត​ មិត្តភាព​កម្ពុជា​-​ជប៉ុន​ នៅ​ស្រុក​មង្គល​បូ​រី​ ។​

​ក្រោយ​ពី​ធ្វើ​សកម្មភាព​រួច​ ជនល្មើស​បាន​រត់គេច​ខ្លួន ​ដោយ​យក​កាំបិត​ខ្វែវ​ទៅ​ជាមួយ​ ៕​

មតិយោបល់