ភ្នំពេញៈ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា នៅថ្ងៃទី០៨ ខែកក្កដា ឆ្នាំ២០២១ វេលាម៉ោង១៣ និង២០នាទី កម្លាំងអធិការនគរបាលខណ្ឌឫស្សីកែវ បានឃាត់ខ្លួនជនសង្ស័យម្នាក់ ករណីលួចមានស្ថានទម្ងន់ទោស ជិះម៉ូតូឆក់ទូរស័ព្ទដៃ ស្ថិតនៅត្រង់ចំនុចផ្លូវ១៨២៨ ក្រុម២ ភូមិកោះអណ្ដែត សង្កាត់ទួលសង្កែទី២ ខណ្ឌឫស្សីកែវ រាជធានីភ្នំពេញ ។
មន្រ្តីនគរបាលខណ្ឌឫស្សីកែវ បាឲ្យដឹងថា ជនសង្ស័យឈ្មោះឌឹន វាសនា ភេទប្រុស អាយុ២៣ មុខរបរមិនពិតប្រាកដ ស្នាក់នៅរោងសិប្បកម្មថ្មម៉ាតឆាងជីយុង សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ (មានសារធាតុញៀន) អវិជ្ជមានកូវីដ-១៩ ។
វត្ថុតាងដកហូតរួមមាន ៖ -ម៉ូតូមួយគ្រឿងម៉ាក Honda c125 ពណ៌ខ្មៅ សេរីឆ្នាំ២០០៩ ឡើងឆ្នាំ២០២០ ពាក់ស្លាកលេខ បន្ទាយមានជ័យ 1C5461 ដែលមានលេខតួ/លេខម៉ាស៊ីនND125ME0063837 ។
បច្ចុប្បន្នជនសង្ស័យ ត្រូវបានសមត្ថកិច្ចកំពុងកសាងសំណុំមរឿង ដើម្បីចាត់ការតាមនីតិវិធី ៕
មតិយោបល់