Update៖ សង្វេគណាស់! ស្ត្រី​ម្នាក់ចុះ​រាវ​លៀស​ក្នុង​ស្ទឹង​សង្កែ​ បណ្តាល​ឲ្យ​លង់​ទឹកស្លាប់​

​បាត់ដំបង:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា ស្ត្រី​ម្នាក់​បាន​លង់ទឹក​ស្លាប់​ ខណ:​ចុះ​រាវ​លៀស​ក្នុង​ស្ទឹង​សង្កែ​ នៅ​ចំណុច​មុខ​វេទិការ​អុំទូក​ ក្រុម​ទី​១២​ ភូមិ​ព្រែក​មហាទេព​ សង្កាត់​ស្វាយប៉ោ​ ក្រុង​បាត់ដំបង​ ខេត្តបាត់ដំបង​ ថ្ងៃ​ទី​១៤​ ខែកក្កដា​ ឆ្នាំ​២០២១​ មានការ​ភ្ញាក់ផ្អើល​នៅ​វេលា​ម៉ោង​០៦​និង​១០​នាទី​ ។​

​សាកសព​ឈ្មោះ​ ដា​ ភេទ​ស្រី​ អាយុ​ ៣៨​ឆ្នាំ​ មាន​ទីលំនៅ​ក្នុង​រ៉ា​ជង្រុក​ ភូមិ​ទួល​តា​ឯក​ សង្កាត់​ទួល​តា​ឯក​ ក្រុង​បាត់ដំបង​ ខេត្តបាត់ដំបង​ មុខរបរ​ កម្មករ​ ។​

​តាម​ការ​បំភ្លឺ​របស់​ឈ្មោះ​ ស្រី​ម៉ៅ​ ភេទ​ស្រី​ អាយុ​ ២៥​ឆ្នាំ​ មាន​ទីលំនៅ​ក្នុង​រ៉ា​ជ្រុ​ក​ ភូមិ​ទួល​តា​ឯក​ សង្កាត់​ទួល​តា​ឯក​ ក្រុង​បាត់ដំបង​ មុខរបរ​ជា​កម្មករ​ បាន​បញ្ជាក់​ថា​ នៅ​ថ្ងៃ​ទី​១៣​ ខែកក្កដា​ ឆ្នាំ​២០២១​ វេលា​ម៉ោង​ប្រហែល​១៧​និង​៣០​នាទី​ ខ្លួន​កំពុង​រាវ​លៀស​នៅ​ក្រោម​ស្ពាន​សម្ដេច​ក្រឡាហោម​ ស​ ខេ​ង​ ខ្លួន​បានឃើញ​ជន​រង​គ្រោះ​ និង​មិត្តភក្តិ​២​នាក់​ទៀត​អង្គុយ​ហូប​បាយ​ និង​ផឹកស្រា​នៅ​ក្រោម​ស្ពាន​ ។​ មួយសន្ទុះ​ខ្លួន​បានឃើញ​ឈ្មោះ​ ដា​ ចុះ​មក​រាវ​លៀស​ដែរ​ ហើយ​មិត្តភក្តិ​របស់​គាត់​បាន​ឡើង​ទៅ​លើ​វិញ​អស់​បាន​មួយសន្ទុះ​ ខ្លួន​បានឃើញ​ឈ្មោះ​ ដា​ (​សាកសព​)​ លើកដៃ​ហើយ​ស្រែកហៅ​ខ្លួន​បី​ម៉ាត់​តែ​ខ្លួន​ស្ដាប់​មិន​បាន​ ហើយ​ស្មាន​តែ​ឈ្មោះ​ ដា​ លើកដៃ​លេងខ្លួន​ក៏​បាន​ឡើង​ទៅ​លើគោក​វិញ​ហើយ​ក៏​ត្រឡប់​ទៅ​ផ្ទះ​វិញ​ រហូត​មក​ដល់​ម៉ោង​០៧​និង​១០​នាទី​ ថ្ងៃ​ទី​១៤​ ខែកក្កដា​ ឆ្នាំ​២០២១​ ខ្លួន​បាន​ទទួល​ដំណឹង​ថា​ ឈ្មោះ​ ដា​ លង់ទឹក​ស្លាប់​បាត់​ហើយ​ ។​

​ក្រោយ​ពី​ទទួល​បាន​សេចក្តី​រា​យការ​ណ៍​ករណី​ខាងលើ​ កម្លាំង​ផ្នែក​ជំនាញ​សហការ​ជាមួយ​លោកគ្រូ​ពេទ្យ​មណ្ឌល​សុខភាព​ឃុំ​ បាន​ចុះ​ត្រួតពិនិត្យ​និង​វិភាគ​ទីកន្លែង​កើតហេតុ​លើ​សាកសព​ ដោយ​បាន​សន្និដ្ឋាន​ថា​ ជន​គ្រោះ​ឈ្មោះ​ ដា​ ពិតជា​លង់ទឹក​ស្ទឹង​សង្កែ​ស្លាប់​ពិតប្រាកដ​មែន​ រួច​បាន​ប្រគល់​ជូន​ទៅ​ឲ្យ​ក្រុម​គ្រួសារ ​ដើម្បី​យក​ទៅ​ធ្វើបុណ្យ​តាម​ប្រពៃណី​ ៕

មតិយោបល់