កណ្ដាល: នៅថ្ងៃទី១៦ ខែកក្កដា ឆ្នាំ២០២០ វេលាម៉ោង ៣និង២០នាទី បង្ក្រាបទីតាំង លេងល្បែងស៊ីសងខុសច្បាប់(កត់ឆ្នោតវៀតណាម)
ចំណុចផ្សារបែកចាន ភូមិបែកចាន ឃុំបែកចាន ស្រុកអង្គស្នួល ខេត្តកណ្តាល។

ជនសង្ស័យឈ្មោះ សឿង ធីតា ភេទស្រី អាយុ ២៧ឆ្នាំ ជនជាតិខ្មែរ មុខរបរលក់សាច់ជ្រូក នៅភូមិពងទឹក ឃុំបែកចាន ស្រុកអង្គស្នួល ខេត្តកណ្តាល (ឃាត់ខ្លួន)។

វត្ថុតាងចាប់យក៖
១-ទូរស័ព្ទដៃមួយគ្រឿងម៉ាកSamsung Not8 ពណ៌ខៀវ។
២-ម៉ាស៊ីនគិតលេខ(Casio) ចំនួន០១គ្រឿង។
៣-ក្រដាស់កាបូនចំនួន ៨៤សន្លឹក
៤-សៀវភៅសម្រាប់កត់លេខឆ្នោតចេញចំនួន០២ក្បាល។
៥-លុយរៀលចំនួន ២៤៥៥០០៛ (ម្ភៃបួនម៉ឺនប្រាំពាន់ប្រាំរយរៀល) និងកាបូមដៃតូចសម្រាប់ដាក់លុយចំនួន០១។
៦-ក្រដាស់រាមដែលមានកត់លេខឆ្នោតរួចចំនួន០៤សន្លឹក និងក្រដាស់រាមពណ៌សសម្រាប់ទុកកត់លេខឆ្នោតចំនួន៤៥សន្លឹក។
៧-កញ្ជ្រែងជ័រពណ៌ក្រហមចំនួន០១ ។

សភាពរឿងហេតុ៖ នៅវេលាម៉ោងខាងលើកម្លាំងនគរបាលជំនាញ បានទទួល
ព័ត៌មានពីប្រជាពលរដ្ឋថានៅទីតាំងខាងលើមានលេង
ល្បែងស៊ីសខុសច្បាប់(កត់ឆ្នោតវៀតណាម) ទើបកម្លាំងអធិការដ្ឋាននគរបាលស្រុកអង្គស្នួល បានសហការជាមួយកម្លាំងប៉ុស្ដិ៍ពើក និង ប៉ុស្ដិ៍បែកចាន ចុះទៅដល់ទីតាំងហើយបានឃាត់ខ្លួនជនសង្ស័យ និងដកហូតបានវត្ថុតាងមួយចំនួនដូចខាងលើ ដើម្បីសាកសួរនាំតាមនិតិវិធី។
-តាមចម្លើយសារភាពរបស់ជនសង្ស័យបានសារភាពថា ខ្លួនបានចាប់ផ្ដើមកត់ឆ្នោតវៀតណាម និងឆ្នោតខ្មែរនោះបានរយ:ពេល០៧ថ្ងៃហើយ។
-ចំពោះករណីនេះកម្លាំងជំនាញកំពុងបន្តចាត់ការតាមនីតិវិធី៕