បន្ទាយមានជ័យៈ យោងតាមផេក ការិយាល័យផ្សព្វផ្សាយតាមបណ្តាញសង្គម បានឲ្យដឹងថា បុរសវ័យចំណាស់៥៩ឆ្នាំម្នាក់ ដេកស្លាប់ក្រោមផ្ទះ បង្កការភ្ញាក់ផ្អើល កាលពីវេលាម៉ោង១០និង១៤នាទីថ្ងៃទី២២ ខែកក្កដា ឆ្នាំ២០២១ ស្ថិតនៅភូមិចក់ពួក ឃុំស្លក្រាម ស្រុកស្វាយចេក ខេត្តបន្ទាយមានជ័យ ។
តាមការបញ្ជាក់ពីសមត្ថកិច្ចមូលដ្ឋាន បានឲ្យដឹងថា ជនរងគ្រោះដែលស្លាប់មានឈ្មោះ ចាន់ សែន (ហៅ ភព) ភេទប្រុស អាយុ៥៩ឆ្នាំ រស់នៅភូមិឃុំ កើតហេតុខាងល ។ សមត្ថកិច្ច បញ្ជាក់បន្ថែមថា តាមការឲ្យដឹងថាពីអ្នកជិតខាង បានប្រាប់ថា ជនរងគ្រោះធ្លាប់មាន ជំងឺលើសឈាម រស់នៅតែម្នាក់ឯងគ្មានសាច់ញាតិនោះទេ ។
ក្រោយមកសមត្ថកិច្ច បានបង្កើនគណៈកម្មការពិនិត្យសព ដោយមានការចូលរួមកម្លាំងជំនាញអធិការដ្ឋាន នគរបាលស្រុកស្វាយចេក កម្លាំងប៉ុស្តិ៍ស្លក្រាម កម្លាំងប៉ុស្តិ៍ព្រំដែនថ្នល់បែក ៩១១ មេភូមិ គ្រូពេទ្យប្រចាំមណ្ឌលសុខភាព ចក់ពួកពិនិត្យឃើញថា ពុំមានស្លាកស្នាមអ្វីពាក់ព័ន្ធនិងករណីឃាតកម្មឡើយ រួចបានប្រគល់សពជូនអាជ្ញាធរដើម្បីចាត់ចែងធ្វើបុណ្យតាមប្រពៃណី ៕
មតិយោបល់