ម៉ូតូ ២គ្រឿងបុកគ្នា បណ្តាលឲ្យស្ត្រីម្នាក់ស្លាប់ និងម្នាក់ទៀតរងរបួសធ្ងន់ នៅក្រុងច្បារមន

​កំពង់ស្ពឺ: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា ស្ត្រី​ម្នាក់​បាន​ស្លាប់​ និង​ម្នាក់​ទៀត​រង​របួសធ្ងន់​ ខណ:​ជួប​ហេតុការណ៍​គ្រោះថ្នាក់​ចរាចរណ៍​ រវាង​ម៉ូតូ​ និង​ម៉ូតូ​ នៅ​ព្រឹក​ថ្ងៃ​ទី​៣១​ ខែកក្កដា​ ឆ្នាំ​២០២១​ វេលា​ម៉ោង​០៦​និង​៥០​នាទី​ នៅ​លើ​ផ្លូវជាតិ​លេខ​០៤ ​ចន្លោះ​គីឡូម៉ែត្រ​45.46​ ស្ថិត​នៅ​ភូមិ​មុខ​ខេត្ត​ សង្កាត់​រកា​ធំ​ ក្រុង​ច្បារមន​ ខេត្តកំពង់ស្ពឺ​ ។​

​តាម​របាយការណ៍​បាន​ឲ្យ​ដឹង​ថា​ ម៉ូតូ​០១​គ្រឿង​ម៉ាក​សង់​សេ​១២៥​ សេរី​២០២០​ ព​ណ៌ខ្មៅ​ស្លាក​លេខ​កំពង់ស្ពឺ​ 1Q​ 1198​ បើក​ពី​លិចទៅ​កើត​ អ្នក​ក​បើកបរ​ឈ្មោះ​ សា​ ជាតា​ ភេទ​ប្រុស​ អាយុ​២៤​ឆ្នាំ​ រស់នៅ​ភូមិ​បាក់​ធ្មេញ​ ឃុំ​រលាំងចក​ ស្រុក​សំរោង​ទង​ខេត្តកំពង់ស្ពឺ​ (​របួសធ្ងន់​)​ លុះ​ពេល​បើក​មក​ដល់​ចំណុច​ខាងលើ​បាន​បើក​បុក​ម៉ូតូ​០១​គ្រឿង​ម៉ាក​ធូ​ដេ​ពណ៌​ក្រហម​ អត់​មាន​ស្លាក​លេខ​បើក​ឆ្លងផ្លូវ​ពី​ត្បូង​ទៅ​ជើង​ អ្នក​ក​បើកបរ​ឈ្មោះ ​មង​ ពុទ្រា​ ភេទ​ស្រី​ អាយុ​២២​ឆ្នាំ ​រស់នៅ​ភូមិ​តាំង​ទន្លេរ​ សង្កាត់​សុ​ព័រ​ទេព ​ក្រុង​ច្បារមន​ ខេត្តកំពង់ស្ពឺ​ (​ស្លាប់​នៅ​មន្ទី​រពេទ្យ​)​។​

​ករណី​ខាងលើ​នេះ​ បណ្តាល​ឲ្យ​ អ្នកបើកបរ​ម៉ូតូ​មា្ន​ក់​ជា​ស្ត្រី​បាន​ស្លាប់​នៅ​ពេល​បញ្ជូន​ទៅ​ព្យាបាល​នៅ​មន្ទីរពេទ្យ​ និង​អ្នកបើកបរ​ម៉ូតូ​ម្នាក់​ជា​បុរស​រង​ធ្ងន់​ ។​

​វត្ថុ​តាង​ម៉ូតូ​ទាំង​ពីរ​គ្រឿង​បាន​ប្រគល់​ឲ្យ​ការិយាល័យ​ចរាចរណ៍​ខេត្តកំពង់ស្ពឺ​ដើម្បី​ដោះស្រាយ​តាម​នី​តី​វិធី​៕

មតិយោបល់