តាកែវៈ កាលពីថ្ងៃទី០១ខែសីហា ឆ្នាំ២០២១ ស្ថិតនៅតាមបណ្តោយផ្លូវជាតិលេខ២ ត្រង់គីឡូម៉ែត្រលេខ៩៧ និង ៩៨ នៅក្នុងភូមិជួស ឃុំជីខ្មារ ស្រុកទ្រាំង ខេត្តតាកែវ។ ករណីគ្រោះថ្នាក់ចរាចរណ៍ ដ៏រន្ធត់មួយបានកើតឡើង នៅតាមបណ្តោយផ្លូវជាតិលេខ២ បណ្តាលឲ្យបុរសម្នាក់ ជាមន្រ្តីពេទ្យសត្វ ស្លាប់ យ៉ាងរន្ធត់(ដាច់ក) ។
នៅមុនពេលកើតហេតុគេបានឃើញរថយន្តមួយគ្រឿងម៉ាកកាមេរីហើម ពណ៍ស្លែ ពាក់ស្លាក លេខភ្នំពេញ2I-0697 ជិះគ្នា៤នាក់ ចាស់២នាក់ នឹងក្មេង២នាក់ បើកក្នុងទិសខាងជើង ទៅ ត្បូង លុះមកដល់កន្លែងកើតហេតុ រថយន្តខាងលើ បានបើកឡើងវ៉ាជែង រថយន្តដឹកដី ក្នុងស្ថាន ភាពគ្រោះថ្នាក់ (ផ្លូវកោង) ក៍ជ្រុលចង្កូត ទៅបុកម៉ូតូ ជនរងគ្រោះ ដែលកំពុងធ្វើដំណើរ មកពីមុខ ក្នុងទិសដៅពីត្បូង ទៅជើង(ច្រាសទិសគ្នា)ពេញទំហឹង អូសទាំងម៉ូតូ នឹងមនុស្ស ទៅបុក ផ្ទុប នឹងរោង ប៉ះកង់ នឹង រោងលក់ចាប់ហ៊ួយ បណ្តាលឲ្យបាក់រោង ហើយជនរងគ្រោះ បានដាច់(ក)ចេញពីខ្លួនស្លាប់ នៅក្នុងរោង ប៉ះកង់ ចំណែករថយន្តក្រឡាប់ផ្ងារជើង អ្នកបើកបរ រថយន្ត រងរបួសបែកមុខ បែកមាត់ រីឯប្រពន្ធបានរងរបួសធ្ងន់ ចំណែកកូន២នាក់ រងរបួសស្រាល។
ជនរងគ្រោះមានឈ្មោះ អ៊ូច ធា ភេទប្រុស អាយុ៥៤ឆ្នាំ មុខរបរ ពេទ្យសត្វ រស់នៅភូមិអណ្តែងសាំង ឃុំជីខ្មារ ស្រុកទ្រាំង ខេត្តតាកែវ ចំណែកអ្នកបើកបររថយន្ត រួមនឹងប្រពន្ធ ពុំស្គាល់អត្តសញ្ញាណ ដោយសារតែ រងរបួសធ្ងន់ ។
សមត្ថកិច្ចជំនាញនៃអធិការដ្ឋាននគរបាលស្រុកទ្រាំង បានចុះមកធ្វើការវាស់វែង នឹងធ្វើកំណត់
ហេតុ រួចក៍បានបញ្ជូនជនរងគ្រោះ ត្រូវជាប្រពន្ធអ្នកបើករថយន្ត ហើយនឹងកូន ទៅសង្រ្គោះបន្ទាន់នៅមន្ទីពេទ្យ ចំណែកសាកសព សមត្ថកិច្ចបានប្រគល់ ជូនក្រុមគ្រួសារដឹកយកទៅធ្វើបុណ្យ តាមប្រពៃណី រីឯ អ្នកបើករថយន្តបង្ក ត្រូវបានសមត្ថកិច្ច នាំខ្លួនយកទៅ អធិការដ្ឋាននគរបាលស្រុកទ្រាំង ដើម្បីកសាងសំណុំរឿង ទៅតាមនិតិវីធីច្បាប់៕