កណ្ដាល: យោងតាមផេកការិយាល័យផ្សព្វផ្សាយតាមបណ្តាញសង្គមបានឲ្យដឹងថា នៅថ្ងៃថ្ងៃសុក្រ ១៣ រោច ខែទុ.សាឍ ឆ្នាំឆ្លូវ ត្រីស័ក ពស ២៥៦៥ត្រូវនឹងថ្ងៃទី០៦ខែសីហា ឆ្នាំ២០២១វេលាម៉ោង១៧ និង៥៥ នាទី មានករណីគ្រោះថ្នាក់ចរាចរណ៍ផ្លូវគោក រវាង ម៉ូតូ០២គ្រឿងនិង រថយន្ត០១គ្រឿង បណ្ដាលឲ្យរងរបួសចំនួន ០២នាក់(ស្រាល០១ស្រី) (របួសធ្ងន់០១ប្រុស) និងខូតខាត ម៉ូតូស្រាលចំនួន ០១គ្រឿងនិង(ម៉ូតូធ្ងន់ចំនួន០១គ្រឿងព្រមទាំង រថយន្តធ្ងន់ចំនួន ០១គ្រឿង ត្រង់ចំណុចខាងមុខផ្ទះwing វេលុយ រ័ត្នវីរ:លើផ្លូវ21Aស្ថិតនៅភូមិលេខ២ សង្កាត់ស្វាយរលំក្រុងតាខ្មៅ ខេត្តកណ្ដាល ។
មុនពេលកើតហេតុមានម៉ូតូមួយគ្រឿងម៉ាក HONDA dream 125 ពណ៌ខ្មៅពាក់ស្លាកលេខ ព្រៃវែង1S-0512 បើកបរដោយឈ្មោះ ស៊ាត ម៉ាតែម ភេទប្រុស អាយុ២០ ឆ្នាំ មានទីលំនៅភូមិព្រៃចម្ការ ឃុំស្វាយជ្រុំ ស្រុកមេសាងខេត្តព្រៃវែង (រងរបួសធ្ងន់ដាច់ជើងខាងឆ្វេង)ម៉ូតូបើកក្នុងទិសដៅពីកើតទៅលិចល្បឿនលឿនមកដល់ចំណុចកើតហេតុខាងលើ ក៏បានបើកប្រជែង(វ៉ា)ខាងឆ្វេងម៉ូតូម៉ាក Honda dream125 ពណ៌ក្រហម ពាក់ស្លាកលេខ ភ្នំពេញ 1BZ-1IP-8638 អ្នកបើកម៉ូតូមានឈ្មោះ គឹម រិន ភេទស្រីអាយុ ៣២ឆ្នាំ មានទីលីភូមិត្រពាំងអំពឹល ឃុំគោកគង់ខាងកើត ស្រុកកញ្ចៀច ខេត្តព្រៃវែងម៉ូតូបើកក្នុងទិសដៅពីកើតទៅលិចស្របទិសគ្នា(រងរបួសស្រាល) រួចក៏បានប៉ះដៃចង្កូតម៉ូតូ Dream 125 ពណ៌ក្រហមដែលនៅ ពីមុខបណ្តាលឲ្យម៉ូតូសង់ពណ៌ក្រហមដួល នៅលើផ្លូវ ហើយភ្លាមៗនោះម៉ូតូdream 125 ពណ៌ខ្មៅក៏រេចង្កូតទៅបុកនឹងរថយន្តមួយគ្រឿងម៉ាកLEXUS RX330ពណ៌សពាក់ស្លាកលេខ ភ្នំពេញ2AV-9826 អ្នកបើករថយន្តមិនទាន់ស្គាល់អត្តសញ្ញាណ រថយន្តបើកទិសដៅពីលិចទៅកើត។ បណ្តាលឲ្យអ្នកបើកម៉ូតូ HONDA dream125 ពណ៌ខ្មៅ ពាក់ស្លាកលេខ ព្រៃវែង 1S-0512 រងរបួសធ្ងន់ដាច់ជើងខាងឆ្វេង ត្រូវបានសាច់ញាតិដឹកទៅមន្ទីរពេទ្យជោរ៉ៃ ដើម្បីសង្គ្រោះដោយខ្លួនឯង។
បច្ចុប្បន្នមធ្យោបាយដែលពាក់ព័ន្ធបានយកមករក្សាទុកបណ្ដោះអាសន្ននៅអធិការដ្ឋានដើម្បីចាត់ការតាមនីតិវិធី៕
មតិយោបល់