បង្រ្កាប​ជន​សង្ស័យ​០៤​នាក់ នៅត្រង់ចំណុចបន្ទប់ជួល ពាក់ព័ន្ធករណីជួញដូរនូវសារធាតុញៀន

ប៉ៃលិន: យោងតាមផេក ការិយាល័យផ្សព្វផ្សាយតាមបណ្តាញសង្គម បានឲ្យដឹងថា នៅវេលាម៉ោង​១២​និង០០​នាទី​ ថ្ងៃអង្គារ ១កើត ខែភទ្របទ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី​០៧​ ខែកញ្ញា​ ឆ្នាំ​២០២១​ កម្លាំងជំនាញនៃអធិការដ្ឋាននគរបាលស្រុកសាលាក្រៅ ដឹកនាំដោយលោកវរសេនីយ៍ត្រី កុល ជួនណាត បានចុះសហការជាមួយកម្លាំងនគរបាលប៉ុស្តិ៍រដ្ឋបាលស្ទឹងកាច់​ បង្រ្កាបជាក់ស្តែងនៅ ករណីជួញដូររក្សាទុក​ និងប្រើប្រាស់នូវសារធាតុញៀនខុសច្បាប់​​០១ករណី នៅចំណុចបន្ទប់ជួលលេខ២២​ ស្ថិតនៅភូមិផ្សារព្រំជើង​ ឃុំស្ទឹងកាច់ ស្រុកសាលាក្រៅ​ ខេត្តប៉ៃលិន ឃាត់​ខ្លួន​ជន​សង្ស័យ​បានចំនួន​០៤​នាក់៖​

១-ឈ្មោះ ពៅ​ សុខលៀង​ ភេទប្រុស​ អាយុ​ ២៣​ឆ្នាំ​ មុខរបរ​ កសិករ​ រស់នៅភូមិ​ ផ្សារ​ព្រំជេីង​ ឃុំស្ទឹងកាច់​ ស្រុកសាលាក្រៅ​ ខេត្តប៉ៃលិន​ ។ ២-​ឈ្មោះ ដា​ វីន​ ភេទស្រី​ អាយុ ២៨ឆ្នាំ មុខរបរ កសិករ​​ រស់នៅភូមិ​ផ្សារព្រំជេីង​ ឃុំស្ទឹងកាច់​ ស្រុកសាលាក្រៅ​ ខេត្តប៉ៃលិន​ ។ ៣-​ឈ្មោះ កាន់​ រី​ ភេទប្រុស​ អាយុ​ ២១​ឆ្នាំ​ មុខរបរកសិករ រស់នៅភូមិបឹងព្រលិត​ ឃុំស្ទឹងកាច់​ ស្រុកសាលាក្រៅ​ ខេត្តប៉ៃលិន​ ។ ៤-​ឈ្មោះ នាង​ ណាំណាវ​ ភេទប្រុស​ អាយុ​ ២៣​ឆ្នាំ​ មុខរបរ​ កម្មករ​ រស់នៅភូមិ​បរថ្មី​ សង្កាត់បរយ៉ាខា​ ក្រុងប៉ៃលិន​ ខេត្តប៉ៃលិន​ ។

​វត្ថុ​តាងដកហូតបានរួមមាន៖ ម្សៅក្រាមសថ្លាសង្ស័យជាសារធាតុញៀនចំនួន​ (១៣​កញ្ចប់ធំ​ ទម្ងន់​ ១៥១,៦៥​ ក្រាម​ ថ្នាំសុទ្ធ​ ដាវសាម៉ូរៃចំនួន០១​ ដើម​ ជញ្ជីងសម្រាប់ថ្លឹងថ្នាំញៀនចំនួន​ ០១​ ដបសម្រាប់ជក់ថ្នាំញៀនចំនួន០២​ ដប​ ។ ​ថង់សម្រាប់ច្រកថ្នាំ ញៀនមួយចំនួន ម៉ូតូ​ចំនួន​ ០២​ គ្រឿង​ ម៉ាកវេវ​ ចាស់​ ពាក់ស្លាកលេខ​ ភ្នំពេញ​ ១J ២៥៦៥​ និង​ ម៉ាកហុងដាឌ្រីមសង់​ ពាក់ស្លាកលេខ​ ប៉ៃលិន​ ១A ៨៦៥០​ ។

បច្ចុប្បន្ន ជនសង្ស័យទាំង០៤នាក់ខាងលើ នឹងវត្ថុតាងត្រូវបានយកមកអធិការដ្ឋាននគរបាលស្រុកសាលាក្រៅ ដើម្បីចាត់ការបន្តតាមនីតិវិធី ៕

មតិយោបល់