បរទេស៖ ក្រោយបញ្ហាហិរញ្ញវត្ថុដ៏ស្មុគ្រស្មាញនិងកំពុងបង្កផលប៉ះពាល់ទៅដល់ការដោះដូរកីឡាករសំខាន់របស់ក្លឹបកន្លងមកប្រធានក្លឹប Barcelona លោក Joa Laporta បានសារភាពថានៅមុនពេលដែល Messi ចាកចេញកីឡាករ Neymar ពិតជាចង់វិលត្រឡប់ពិតមែនហើយព័ត៌មាននៃការប្រកាសលក់ Fati ក៏ជាដំណឹងក្លែងក្លាយប៉ុណ្ណោះ។
ចាប់តាំងតែពីបានចាកចេញពីក្លឹប Barcelona កាលពីឆ្នាំ២០១៧មកក្នុងតម្លៃខ្លួនរហូតទៅដល់២២២លានអ៊ឺរ៉ូកីឡាករ Neymar បានប្រាប់មក Barcelona ថាពិតជាចង់វិលត្រឡប់មករួបរួមប្រកួតវិញជាមួយនឹង Lionel Messi ណាស់ប៉ុន្តែទាំងក្លឹបនិងកីឡាករបានប្រឹងប្រែងអស់ពិលទ្ធភាពដែរមិនបានទទួលជោគជ័យឡើយ។
ដោយឡែក Fati វិញគឺជាគ្រាប់ពេជ្យដ៏សំខាន់ម្នាក់ទៀតរបស់ក្លឹបដែលតែងតែធ្លាប់បានទទួលដំណឹងថានឹងលក់ចេញកាលពីគ្រានោះដែរប៉ុន្តែមិនមែនជាការពិតនោះឡើយលោក Laportaបានបញ្ជាក់ហើយជាក់ស្តែងខណៈដែលកីឡាករខ្សែប្រយុទ្ធសំខាន់ៗចាប់ផ្តើមចាកចេញដូចជា Neymar, Suarez, Messi និងបន្ទាប់មក Griezmann ទៀតផងនោះពេលនេះ Fati បានទទួលបានអាវលេខ១០ជាលេខដែលសំខាន់បំផុតសម្រាប់ក្លឹបជំនួសឲ្យ Messi ផងដែរនៅពេលនេះក្នុងវ័យទើបតែ១៨ឆ្នាំប៉ុណ្ណោះ៕
![](https://i0.wp.com/domneng.news/wp-content/uploads/2021/09/276b708dd4e2144da8d3b54071ce5c49messi_unveiled_at_psg.jpeg?resize=698%2C465&ssl=1)
![](https://i0.wp.com/domneng.news/wp-content/uploads/2021/09/Athletic-de-Bilbao-v-FC-Barcelona-Spanish-Copa-d-9df6ebeb689d19090fa8a09b90d49d0e.jpg?resize=720%2C405&ssl=1)
![](https://i0.wp.com/domneng.news/wp-content/uploads/2021/09/Joan-Laporta.jpg?resize=1000%2C563&ssl=1)
មតិយោបល់