-

ស្គាល់គ្នាតាមហ្វេសប៊ុកជាច្រើនខែ ជនសង្ស័យ០២នាក់ ណាត់នាងមកជួបចាប់រំលោភបូកនៅចិញ្ចើមផ្លូវ

តាកែវ: ដោយអនុវត្តតាមបទបញ្ជា និងការណែនាំចង្អុលបង្ហាញពីសំណាក់ឯកឧត្តម ស្នងការនគរបាលខេត្តតាកែវ និងមាន ការសម្របសម្រួល នីតិវិធីរបស់ឯកឧត្តម ព្រះរាជអាជ្ញាអមសាលាដំបូង ខេត្តតាកែវ នៅព្រឹកថ្ងៃអាទិត្យ ៦កើត ខែភទ្របទ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី១២ ខែកញ្ញា ឆ្នាំ២០២១ លោកវរសេនីយ៍ឯក ភី ឆុន អធិការនគរបាលស្រុកសំរោង បានដឹក នាំកម្លាំងជំនាញអធិការដ្ឋាន សហការជាមួយប៉ុស្តិ៍នគរបាលរដ្ឋបាលលំចង់ បង្ក្រាបករណីរំលោភសេពសន្ថវ:មានស្ថានទម្ងន់ នៅចំណុចចិញ្ចើមផ្លូវ ភូមិខ្វាវ ឃុំលំចង់ ស្រុកសំរោង ខេត្តតាកែវ ឃាត់ខ្លួនជនសង្ស័យបានចំនួន០២នាក់៖

១-ឈ្មោះ សែម ច័ន្ទតារា ភេទប្រុស អាយុ ២២ ឆ្នាំ រស់នៅភូមិស្វាយព្រៃ ឃុំលំចង់ ស្រុកសំរោង ខេត្តតាកែវ ។
២-ឈ្មោះ អ៊ុក អ៊ួនរដ្ឋា ភេទប្រុស អាយុ ២៤ ឆ្នាំ រស់នៅ ភូមិស្វាយព្រៃ ឃុំលំចង់ ស្រុកសំរោង ខេត្តតាកែវ ។

សូមបញ្ជាក់ថា: ករណីខាងលើនេះ ជនសង្ស័យ និងនារីរងគ្រោះ ស្គាល់គ្នាតាមហ្វេសប៊ុករយ:ពេលជាច្រើនខែ បានណាត់នារីរងគ្រោះមកជួប ហើយធ្វើសកម្មភាព ចាប់រំលោភបូកនៅត្រង់ចំណុចចិញ្ចើមផ្លូវ ។

បច្ចុប្បន្នជនសង្ស័យ រួមនឹងវត្ថុតាង ត្រូវកម្លាំងជំនាញកំពុងកសាងសំណុំរឿង បញ្ជូនទៅកាន់ស្នងការដ្ឋាននគរបាលខេត្តតាកែវ ដើម្បីចាត់ការតាមនីតិវីធី ៕

មតិយោបល់