ភ្នំពេញៈ បុរសពីរនាក់បានជិះម៉ូតូឌុបគ្នា ត្រូវរថយន្តធុនធំមួយគ្រឿងមិនស្គាល់ម៉ាកបានមកបុកពេញទំហឹង នាម៉ោង៣និង៤០នាទីទៀបភ្លឺថ្ងៃទី១៨ ខែសីហា ឆ្នាំ២០១៦ នៅតាមផ្លូវ២០០៤ កែងនិងផ្លូវហាណូយ ស្ថិតក្នុងសង្កាត់ទឹកថ្លា ខណ្ឌសែនសុខ។ ចំណែករថយន្តបុកហើយបានបើករត់បាត់ស្រមោល។ យុវជនទាំង២នាក់ ត្រូវបានស្គាល់អត្តសញ្ញាណនៅឡើយទេ។

បន្ទាប់ពីកើតហេតុ ជនរងគ្រោះដែលធ្ងន់ធ្ងរត្រូវរថយន្តសាមុយដឹកទៅសង្គ្រោះបន្ទាប់នៅមន្ទីរពេទ្យ ហើយម្នាក់ទៀតដែលស្លាប់ត្រូវសមត្ថកិច្ចទំនាក់ទំនងទៅក្រុមគ្រួសារឲ្យទទួលសពទៅធ្វើបុណ្យតាមប្រពៃណី៕