ប្រធានក្រុម Neymar ស៊ុតចូលតាំងពី១៤វិនាទីដំបូង ក្នុងជ័យជម្នះលើក្រុមហុងឌូរ៉ាស់ ៦-០ នេះ ដើម្បីឱ្យក្រុមម្ចាស់ផ្ទះប្រេស៊ីលឡើងទៅវគ្គផ្ដាច់ព្រ័ត្រក្នុងព្រឹត្តិការណ៍អូឡាំពិកឆ្នាំនេះ។

ក្រុមយុវជនហុងឌូរ៉ាស់មិនអាចតដៃរួចទេ ជាមួយក្រុមយុវជនប្រេស៊ីលដែលពោរពេញដោយកីឡាករល្អៗ ដូចជា Neymar របស់ក្រុម Barcelona ជាដើមនោះ។ បរាជ័យធ្ងន់ក ៦-០ នេះ គឺកីឡាករ Neymar រកបាន២គ្រាប់ Gabriel Jesus ២គ្រាប់ Marquinhos ១គ្រាប់និង Luan ១គ្រាប់។

ជ័យជម្នះរបស់ប្រេស៊ីលនេះ នឹងធ្វើឱ្យរូបគេឡើងវគ្គផ្ដាច់ព្រ័ត្រ ដោយត្រូវប៉ះជាមួយក្រុមអាល្លឺម៉ង់ នៅថ្ងៃអាទិត្យចុងសប្ដាហ៍នេះ វេលាម៉ោង៣ទៀបភ្លឺ៕