-

បង្ក្រាប​ករណី​ជួញដូរ​ និង​ប្រើប្រាស់​នូវ​សារធាតុ​ញៀន​២​ករណី​ ឃាត់ខ្លួន​ជនសង្ស័យចំនួន​១៣​នាក់​

​កំពង់ចាម:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា បន្ទាប់​ពី​ទទួល​បាន​ព័ត៌មាន​ពី​ប្រជាពលរដ្ឋ​ នៅ​ថ្ងៃ​ទី​២៣​ ខែកញ្ញា​ ឆ្នាំ​២០២១​ លោក​ឧត្តមសេនីយ៍ទោ​ ឯម​ កុសល​ ស្នងការ​នគរបាល​ខេត្តកំពង់ចាម​ និង​បានការ​អនុញ្ញាត​ពី​ឯកឧត្តម​ វង្ស​ ប៊ុ​ន​វិសុទ្ធ​ ព្រះរាជអាជ្ញា​ នៃ​អយ្យការ​អម​សាលាដំបូង​ខេត្តកំពង់ចាម​ បាន​ចាត់​បញ្ជា​ឲ្យ​កម្លាំង​ជំនាញ​ការិយាល័យ​ប្រឆាំង​គ្រឿងញៀន​ខេត្តកំពង់ចាម​ អធិការដ្ឋាន​នគរបាល​ស្រុក​ព្រៃឈរ​ រួម​ជាមួយ​កម្លាំង​ជំនាញ​ នៃ​អធិការដ្ឋាន​នគរបាល​ស្រុក​ចម្ការលើ​ ខេត្តកំពង់ចាម​ និង​ជំនាញ​អធិការដ្ឋាន​នគរបាល​ក្រុង​ស្ទឹង​សែន​ ខេត្តកំពង់ធំ​ ដឹកនាំ​ដោយ​លោក​ ឧត្តមសេនីយ៍ត្រី​ ជីវ​ សេង​រស់​ ស្នងការ​រង​ ទទួល​ផែនការ​ងារ​ប្រឆាំង​គ្រឿងញៀន​ បាន​បើក​កិច្ច​ប្រតិបត្តិការ​ចុះ​បង្ក្រាប​ ករណី​ ជួញដូរ​ និង​ប្រើប្រាស់​ ដោយ​ខុសច្បាប់​នូវ​សារធាតុ​ញៀន​ ចំនួន​ ០២​ករណី​ ឃាត់ខ្លួន​ជនសង្ស័យ​ចំនួន​ ១៣​នាក់​ ។​

​ជនសង្ស័យ​ខាងលើ​ បាន​ធ្វើតេស្ត​សំណាក​រក​វីរុស​កូ​វី​ដ​-១៩​ ជា​លទ្ធផល​អវិជ្ជមាន​ទាំង​ ១៣​នាក់​ ។​

​ដកហូត​វត្ថុ​តាង​រួម​មាន​៖​ ម្សៅ​ក្រាម​ពណ៌​ស​សង្ស័យ​ជា​ថ្នាំ​ញៀន​ចំនួន​ ១១​កញ្ចប់​(​ធំ​ ០១​កញ្ចប់​),​ ទូរស័ព្ទ​ដៃ​ចំនួន​ ០៩​គ្រឿង​ និង​ជញ្ជីង​សម្រាប់​ថ្លឹង​ថ្នាំ​ញៀន​ចំនួន​ ០១​គ្រឿង​ និង​ឧបករណ៍​សេព​គ្រឿងញៀន​ ចំនួន​០២​ សម្រាប់​ ។​

​បច្ចុប្បន្ន​ ជនសង្ស័យ​ រួម​នឹង​វត្ថុ​តាង​ កម្លាំង​ជំនាញ​បាន​កសាង​សំណុំរឿង​ បញ្ជូន​ទៅ​អយ្យា​ករ​អម​សាលាដំបូង​ខេត្ត​ ដើម្បី​អនុវត្ត​បន្ត​តាម​នីតិវិធី​ ៕

មតិយោបល់