កណ្ដាល: យោងតាមផេកការិយាល័យផ្សព្វផ្សាយតាមបណ្តាញសង្គមបានឲ្យដឹងថា ថ្ងៃសៅរ៍ ១១រោច ខែភទ្របទ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី០២ ខែតុលា ឆ្នាំ២០២១ វេលាម៉ោង ១៥:០៥នាទីមានករណីប៉ុនប៉ងរំលោភសេពសន្ថវ: ចំណុចកើតហេតុភូមិកាប់លាវ ឃុំទ្រា ស្រុកកណ្ដាលស្ទឹង ខេត្តកណ្ដាល ។
ជនរងគ្រោះឈ្មោះ កខ ភេទ ស្រី អាយុ ៣២ឆ្នាំ មុខរបរ កម្មការិនីរោងចក្រ។
ជនសង្ស័យឈ្មោះ វុទ្ធី វត្ថា ភេទប្រុស អាយុ ២១ឆ្នាំ មានទីលំនៅ ភូមិកាប់លាវ ឃុំទ្រា ស្រុកកណ្តាលស្ទឹង ខេត្តកណ្ដាល មុខរបរ មិនពិតប្រាកដ (ឃាត់ខ្លួន)។
នៅថ្ងៃទីខែឆ្នាំមុនពេលកើតហេតុវេលាម៉ោង ១៤:០០នាទីជនរងគ្រោះចេញពីធ្វើការរោងចក្រកាត់ដេរនៅម្តុំផ្សារទឹកថ្លា រាជធានីភ្នំពេញ ដោយជិះរថយន្តដឹកកម្មករមកផ្ទះរបស់ខ្លួនស្ថិតនៅភូមិឃុំកើតហេតុខាងលើ ពេលមកដល់ផ្ទះជនរងគ្រោះបានអង្គុយនៅលើគ្រែមុខផ្ទះតែម្នាក់ឯង ស្រាប់តែជនសង្ស័យបានដើរមកពីទិសខាងត្បូងចេញពីផ្ទះរបស់ខ្លួនសំដៅមកផ្ទះរបស់ជនរងគ្រោះ ហើយស្រែកសំឡុតជនរងគ្រោះថា”មានចបកាប់ឬអត់”ហើយជនរងគ្រោះបានតបថាអត់មានទេ តែជនសង្ស័យនៅតែសំឡុតជនរងគ្រោះឲ្យចូលមករកក្នុងផ្ទះ ពេលនោះជនរងគ្រោះបានងើបពីលើគ្រែម្រមូលរបស់របរចូលក្នុងផ្ទះ ពេលនោះជនរងគ្រោះបានឈរនៅមាត់ ទ្វារផ្ទះរបស់ខ្លួន ស្រាប់តែជនសង្ស័យបានរុញជនរងគ្រោះពីក្រោយទៅខ្ទប់នឹងជញ្ជាំង ហើយជនសង្ស័យបានចាប់អោបជនរងគ្រោះពីក្រោយ ចំពីលើកក្បាលពោះរបស់ជនរងគ្រោះ រួចបានយកដៃទាំងពីរចាប់ដោះជនរងគ្រោះ បន្ទាប់មកជនសង្ស័យបានយកចាប់កំប៉េះគូទរបស់ជនរងគ្រោះ ហើយយកដៃម្ខាងទៀតចាប់ឲ្យចង្កេះ និងដៃម្ខាងទៀតបានចាប់ប្រដាប់ភេទរបស់ជនរងគ្រោះ ភ្លាមនោះជនរងគ្រោះបានរើបំរាស់រួច ហើយបានរត់ទៅប្តឹងសមត្ថកិច្ចប៉ុស្តិ៍នគរបាលរដ្ឋបាលឃុំទ្រា លុះដល់ព្រឹកថ្ងៃទី០៣ខែឆ្នាំដដែលទើបកម្លាំងប៉ុស្តិ៍នគរបាលរដ្ឋបាលឃុំទ្រាបានចាប់ឃាត់ខ្លួនជនសង្ស័យបញ្ជូនមកកាន់អធិការដ្ឋាននគរបាលស្រុកកណ្តាលស្ទឹង ដើម្បីកសាងសំនុំរឿងតាមនីតិវិធីច្បាប់៕
មតិយោបល់