កណ្ដាល: នៅថ្ងៃសៅរ៍ ១០កើត ខែអស្សុជ ឆ្នាំ ឆ្លូវ ត្រីស័ក ព. ស២៥៦៥ ត្រូវនឹងថ្ងៃទី១៦ ខែតុលា ឆ្នាំ២០២១ វេលាម៉ោង ៩និង ០០នាទីយប់ ចំណុចលើស្ពានព្រែកតាមាក់ ភូមិព្រែកតាមាក់ ឃុំព្រែកតាមាក់ ស្រុកខ្សាច់កណ្ដាល ខេត្តកណ្ដាល។

ដំណើររឿង៖ បង្កឡើងដោយម៉ូតូម៉ាក Hyundai ពណ៌ស ប្រភេទដឹកទំនិញធំ ពាក់ស្លាកលេខ ភ្នំពេញ 3D-3190 បើកបរដោយឈ្មោះ មិនស្គាល់អត្តសញ្ញាណ (រត់គេចខ្លួនបាត់) ខូចឈប់ចតលើស្ពាន លុះមកដល់ ចំណុចកើតហេតុខាងលើ ក៏មានមួយម៉ូតូ០១គ្រឿងបុកពីក្រោយម៉ាក HONDA ស្កុបពី ពណ៌ស ពាក់ស្លាកលេខ ភ្នំពេញ 1GH- 0977 បើកបរដោយឈ្មោះ ចាន់ថន តារា ភេទប្រុស អាយុ ២០ឆ្នាំ នៅភូមិជ័យធំ ឃុំជ័យធំ ស្រុកខ្សាច់កណ្ដាល ខេត្តកណ្ដាល ធ្វើដំណើរពីលិចទៅកើត (ស្លាប់កន្លែងកើតហេតុ) ។
+អ្នករួមដំណើរ គ្មាន
– ខូចខាតសម្ភារ: ២គ្រឿង (ម៉ូតូ០១គ្រឿងធ្ងន់)-(រថយន្ត១គ្រឿងស្រាល)។

ក្រោយពេលកើតហេតុរួចកម្លាំងជំនាញបានសហការជាមួយកម្លាំងប៉ុស្តិ៍នគរបាលរដ្ឋបាលព្រែកតាមាក់បានចុះមកដល់កន្លែងកើតហេតុ និងបានវាស់វែងដកហូតសម្ភារ:ទាំងពីរគ្រឿង យកមករក្សាទុកនៅអធិការដ្ឋាននគរបាលស្រុក ដើម្បីកសាងសំណុំរឿងតាមនីតិវិធី។
ចំពោះសពត្រូវបានសមត្ថកិច្ច ធ្វើកំណត់ហេតុប្រគល់ឲ្យគ្រួសារ យកទៅធ្វើបុណ្យតាមប្រពៃណី ។

សភាពនៅរឿងហេតុ៖ នៅវេលាម៉ោងកើតហេតុខាងលើ មានអ្នកបើកបររថយន្តខាងលើ ពេលបើកបរមកដល់ចំណុចកើតហេតុ បានខូចលើស្ពានដោយមិនបានដាក់ភ្លើងសញ្ញា បណ្តាលជនរងគ្រោះបើកបរក្នុងទិសដៅស្របគ្នាមកបុកគូតពីក្រោយ (ស្លាប់កន្លែងកើតហេតុ)។

មូលហេតុ៖ អ្នកបើកបររថយន្ត ខាងលើធ្វេសប្រហេស និងខ្វះការប្រុងប្រយ័ត្ន ៕