ភ្នំពេញ: នៅថ្ងៃទី២៤ ខែតុលា ឆ្នាំ២០២១ វេលាម៉ោង០៣ និង៣០នាទី កម្លាងសមត្ថកិច្ចនគរបាល ប៉ុស្តិ៍នគរបាលរដ្ឋបាលទឹកថ្លា បានឃាត់ខ្លួនជនសង្ស័យម្នាក់ ពាក់ព័ន្ធករណីប៉ុនប៉ងលួចទ្រព្យសម្បត្តិប្រជាពលរដ្ឋ នៅត្រង់ចំណុចផ្លូវបេតុង ក្នុងភូមិបូរីកម្មករ សង្កាត់ទឹកថ្លា ខណ្ឌសែនសុខ ។
ជនសង្ស័យឈ្មោះ នួន តុលា ភេទប្រុស អាយុ៤១ឆ្នាំ ជនជាតិខ្មែរ មុខរបរគ្មាន ស្នាក់នៅមិនប្រាកដ (មានសារធាតុញៀន) បានយកផ្នែកនណាអាដែកអាមេសោផ្ទះ របស់ជនរងគ្រោះឈ្មោះ គង់ សុភ័ក្ត្រ ភេទប្រុស អាយុ ៤១ឆ្នាំ ជនជាតិខ្មែរ មុខរបរនៅផ្ទះ ស្នាក់នៅគ្មានលេខ ផ្លូវបេតុង ភូមិបូរីកម្មករ សង្កាត់ទឹកថ្លា ខណ្ឌសែនសុខ ។
សម្ភារ:បាត់បង់៖ គ្មាន ,សម្ភារ:បន្សល់ទុក៖ ផ្លែរណាអាដែក០១ ។
បច្ចុប្បន្ន ជនសង្ស័យកំពុងឃាត់ខ្លួន នៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធីច្បាប់ ៕
មតិយោបល់