កំពង់ធំៈ សមត្ថកិច្ចស្រុកសន្ធុក បានប្រាប់Post Newsថា មានការប្រទះឃើញសាកសពបុរសប្រផឹកស្រា និងមានសតិមិនគ្រប់ម្នាក់ បានអណ្តែតក្នុងទឹក យ៉ាងអាណោចអាធ័ម បង្កការភ្ញាក់ផ្អើលកាលពីវេលាម៉ោង៧និង៥៦នាទីព្រឹក ថ្ងៃទី២៥ ខែមករា ឆ្នាំ២០១៨ ស្ថិតនៅចំណុចតំបន់អាងស្ទុកទឹក ភូមិសង្រោះ ឃុំបឹងល្វា ស្រុកសន្ទុក ខេត្តកំពង់ធំ។
ជនរងគ្រោះមានឈ្មោះ ហង់ ហ៊ុន ភេទប្រុស អាយុ៤៦ឆ្នាំ មុខរបរកសិករ នៅភូមិហាន់ទ្វា ឃុំជ្រលង ស្រុកបារាយណ៍ ខេត្តកំពង់ធំ ហើយមុនពេលកើតហេតុ ជនរងគ្រោះបានរត់ចេញពីមន្ទីរពេទ្យដោយគ្មានដំណឹង លុះដល់ព្រឹកកើតហេតុ ស្រាប់តែផ្អើលថា មានការប្រទះឃើញសពរបស់ជនរងគ្រោះ អណ្តែតក្នុងទឹក ផ្អើលដល់សមត្ថកិច្ចចុះមកធ្វើការពិនិត្យនិងធ្វើកោសល្យវិច័យតែម្តង និងបានធ្វើកំណត់ហេតុប្រគល់ឲ្យក្រុមគ្រួសារធ្វើបុណ្យតាមប្រពៃណី៕
មតិយោបល់