កីឡាករ David Beckham ដែលជាខ្សែបម្រើដ៏ឆ្នើមនៃក្លិប LA Galaxy បានជួយឲ្យក្លឹបនេះ យកឈ្នះក្នុងការប្រកួតវគ្គផ្តាច់ព្រ័ត្រនៃពានរង្វាន់ Major League Soccer ហើយបានការពារតំណែងជើងឯករបស់ខ្លួន ២ រដូវកាល ក្រោយពីឈ្នះការប្រកួតលើក្រុម Houston Dynamo កាលពីថ្ងៃសៅរ៍កន្លងមកនេះ។
ជំនួបរវាងក្លិប LA Galaxy និង Houston Dynamo ក៏មានវត្តមានអ្នកប្រដាល់ល្បីមួយរូបគឺ Oscar de La Hoya ផងដែរ ដែលជាអតីតជើងឯកប្រដាល់ពិភពលោក កីឡាកររូបនេះមានភាគហ៊ុន ២៥ ភាគរយនៅក្នុងក្លឹប Houston Dynamo។ ការប្រកួតរវាងក្លិបទាំងពីរ អាចរកលទ្ធផលឈ្នះបណ្តោះអាសន្ននៅចុងតង់ទី ១ នាទីទី ៤៤ ដោយកីឡាករ Calen Carr ជាអ្នកមានឱកាសរកគ្រាប់នាំមុខដំបូងឲ្យក្រុម Dynamo 1-0។ ដោយឡែកការប្រកួតនៅក្នុងតង់ទី ២ បន្តទៀតនោះក្រុម LA Galaxy ក៏បានវាយសម្រុកមកវិញ ដោយកីឡាករ Juninho លើកបាល់ពីចម្ងាយទៅឲ្យកីឡាករខ្សែការពារ Omar Gonzalezបំប៉ោងសំណាញ់តាមបានស្មើ 1-1 បន្ត ៥ នាទីក្រោយមកទៀតប៉ុណ្ណោះ ក្រុម LA Galaxy មានឱកាសជាលើកទី ២ ក្រោយពីកីឡាករខ្សែការពាររបស់ Dynamo យកដៃទៅរាំងបាល់ និងអាជ្ញាកណ្តាលផ្តល់បាល់ប៉េណាល់ទី ខណ:ដែលកីឡាករសញ្ជាតិអាមេរិក Lendon Donavan ស៊ុតបំប៉ោងសំណាញ់នាំមុខ 1-2 ហើយរឿងដដែលនេះក៏កើតឡើងម្តងទៀត និងលើកនេះផ្តល់ឱកាសទៅហើយកីឡាករអតិតខ្សែប្រយុទ្ធក្រុម Spurs និង Liverpool, Roddie Keane ស៊ុតគ្រាប់ជ័យជម្នះ 1-3។
រំឭកផងដែរថាស្របពេលដែលបញ្ចប់អាជីពនេះរបស់កីឡាករDavid Beckham ក្លឹបក៏បានបង្ហើបឲ្យដឹងថា កីឡាករដែលមានសមត្ថភាពមកជំនួសកន្លែងខ្សែបម្រើ David Beckham នោះមានតែខ្សែបំរើសញ្ជាតិប្រេស៊ីលគឺ Ricardo Kakaតែប៉ុណ្ណោះ៕.
មតិយោបល់