កំពតៈ នៅថ្ងៃអង្គារ ១២រោច ខែអស្សុជ ឆ្នាំឆ្លូវ ត្រីស័កពស២៥៧៥ ត្រូវនិងថ្ងៃទី២ ខែវិច្ឆិកា ឆ្នាំ២០២១ វេលាម៉ោង ២និង៣០នាទី មានករណីគ្រោះថ្នាក់ចរាចរណ៍កើតឡើងដោយរថរយន្ត កាមរី ពណ៌ឆ្លូញ ពាក់ស្លាកលេខ តាកែវ 2A-1452 ផ្ទុះកង់ក្រោយខាងឆ្វេងវេចង្កូតក្រឡាប់ខ្លួនឯង ធ្លាក់ចូលក្នុងប្រឡាយមានទឹកជ្រៅ ត្រង់ចំណុចភូមិល្អាង ឃុំល្អាង ស្រុកដងទង់ ខេត្តកំពត លើផ្លូវជាតិលេខ៤១ ចន្លោះគីឡូម៉ែត្រ៩៣-៩៤ ដែលបង្កឡើងដោយខ្លូនឯង ធ្វើដំណើរពីជើងទៅត្បូងបើកបរមានឈ្មោះ ស្រ៊េ ចិន្តា ភេទប្រុស អាយុ ៣៤ឆ្នាំ ស្នាក់នៅភូមិត្រពាំងវែង ឃុំត្រពាំងរាំង ស្រុកជុំគីរី ខេត្តកំពត (ស្លាប់)។

អ្នករួមដំណើរមាន៖
១/ឈ្មោះ វ៉ាន់ សូរិយ៉ា ភេទស្រី អាយុ ៣១ឆ្នាំ ត្រូវជាប្រពន្ធអ្នកបើកបរ (ស្លាប់) ។
២/ឈ្មោះ វ៉ាន់ ណារិទ្ធ ភេទប្រុស អាយុ ១០ឆ្នាំ (ស្លាប់)។
៣/ឈ្មោះ ស្រ៊េ សុវណ្ណនី ភេទស្រី អាយុ ២ឆ្នាំ ត្រូវជាកូនរបស់អ្នកបើកបរ ទាំង ៣នាក់ខាងលើ នៅភូមិត្រពាំងវែង ឃុំត្រពាំងរាំង ស្រុកជុំគីរី ខេត្តកំពត ។
៤/-ឈ្មោះ ណូន ឧត្តម ភេទប្រុស អាយុ ២៦ឆ្នាំ នៅភូមិតារាជ ឃុំត្រពាំងរាំង ស្រុកជុំគីរី (ស្លាប់)។
៥/-ឈ្មោះ អេង កញ្ញា ភេទស្រី អាយុ ១៧ឆ្នាំ (ស្លាប់)។
៦/-ឈ្មោះ សឿន សុគន្ធា ភេទស្រី អាយុ ១៦ឆ្នាំ(ស្លាប់) ទាំង ២នាក់ខាងលើ នៅភូមិអណ្តូងពេជ ឃុំសេដា ស្រុកតំបែរ ខេត្តត្បូងឃ្មុំ។
ចំណែកសាកសព និងសម្ភារៈទាំងអស់ បានធ្វើការប្រគល់ជូនដល់ដៃ បងប្អូន និងសាច់ញាតិក្រុមគ្រួសារជនរងគ្រោះគ្រប់ចំនួនទាំងអស់ ដើម្បីយកទៅធ្វើបុណ្យតាមប្រពៃណី ដោយឡែករថយន្ត បានយកមករក្សាទុកនៅប៉ុស្តិ៍នគរបាលរដ្ឋបាល ឃុំល្អាងជាបណ្តោះអាសន្ន រង់ចាំសាច់ញាតិមកដើម្បីធ្វើការប្រគល់ទទួល៕