-

កម្លាំងនគរបាល​ខណ្ឌឫស្សីកែវ ​​ឃាត់ខ្លួន​ជនសង្ស័យម្នាក់​ ពាក់ព័ន្ធករណី​​ហិង្សា​ដោយ​ចេតនា​

​ភ្នំពេញ:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា នៅ​ថ្ងៃ​ទី​០៣​ ខែវិច្ឆិកា​ ឆ្នាំ​២០២១​ វេលា​ម៉ោង​១៦​និង​០០​នាទី​ នៅ​ចំណុច​ផ្ទះ​គ្មាន​លេខ​ ផ្លូវលំ​ ក្រុម​ទី​០៥​ ភូមិ​៣​ សង្កាត់​ច្រាំង​ចំរេះ​ទី​១​ ខណ្ឌឫស្សីកែវ​ រាជធានី​ភ្នំពេញ​ មាន​ករណី​បង្ក​អំពើ​ហិង្សា​ដោយ​ចេតនា​ (​វាយ​ជន​រង​គ្រោះ​បណ្តា​ឲ្យ​ហើម​ភ្នែក​)​ ។​

​ជន​រង​គ្រោះ​ឈ្មោះ​ ប៉ែន​ ដា​វី​ ភេទ​ស្រី​ អាយុ​៤២​ឆ្នាំ​ មុខរបរ​នៅផ្ទះ​ មាន​ទីលំនៅ​ផ្ទះ​គ្មាន​លេខ​ ផ្លូវលំ​ ក្រុម​ទី​០៥​ ភូមិ​០៣​ សង្កាត់​ច្រាំង​ចំរេះ​១​ ខណ្ឌឫស្សីកែវ​ ។ ចំណែកជន​ដៃដល់​មានឈ្មោះ​ ង្វៀ​ង​ វាំង​ញី​ ភេទ​ប្រុស​ អាយុ​២៩​ឆ្នាំ​ មាន​ទីលំនៅ​ផ្ទះ​ជួល​ ផ្លូវលំ​ ក្រុម​ទី​០៥​ ភូមិ​០៣​ សង្កាត់​ច្រាំង​ចំរេះ​១​មុខរបរ​ មិន​ពិតប្រាកដ​ (​មាន​ផ្ទុក​សារធាតុ​ញៀន​)​ ។​ ការ​ធ្វើតេស្ត​លើ​សំណាក​រក​វីរុស​កូ​វី​ដ​-១៩​ លទ្ធផល​ អវិជ្ជមាន​ ។​

​សម្ភារ:​ដកហូត​មាន​៖​ ខ្សែក្រវ៉ាត់​១​ ។​

​សមត្ថកិច្ច​បាន​ឲ្យ​ដឹង​ថា​ នៅ​ថ្ងៃខែ​ឆ្នាំ​វេលា​ម៉ោង​ខាងលើ​ ជន​ដៃដល់​បាន​សុំ​ប្រាក់ ​ជន​រង​គ្រោះ​ទៅ​ទិញ​ថ្នាំ​ញៀន​ តែ​ជន​រង​គ្រោះ​ប្រាប់​គ្មាន​ប្រាក់​ទេ​ ធ្វើ​ឲ្យ​ជន​ដៃដល់​ខឹង​បាន​ឈ្លោះប្រកែក​ និង​វាយ​ជន​រង​គ្រោះ ​បណ្តាល​ឲ្យ​ជាំភ្នែក​ ហើយ​វាយ​បងថ្លៃ​ហើម​ភ្នែក​ផង​ដែរ​ ស្រប​ពេល​នោះ​កម្លាំង​នគរបាល​ប៉ុស្តិ៍​ចុះ​ល្បាត​ជួយ​អន្តរាគមន៍ ​ឃាត់​ជនសង្ស័យ​នាំ​មក​កាន់​ប៉ុស្តិ៍​ច្រាំង​ចំរេះ​១​ ។​

ករណីនេះ​ ជន​រង​គ្រោះ​បាន​ដាក់​ពាក្យបណ្តឹង​លើ​ជន​ដៃដល់​ ហើយសមត្ថកិច្ច​បាន​ធ្វើការ​សាកសួរ​យក​ចម្លើយ​កសាង​សំណុំរឿង​អនុវត្ត​តាម​នីតិវិធី​ ៕

មតិយោបល់