កណ្ដាលៈ កាលពីវេលាម៉ោង ១ ទៀបភ្លឺថ្ងៃទី១០ ខែកញ្ញា ឆ្នាំ ២០១៧ បានឲ្យដឹងថា មានករណីខ្យល់កន្រ្តាក់មួយ បានបណ្តាលឲ្យបាក់រលំផ្ទះប្រជាពលរដ្ឋចំនួន០១ខ្នង។

ហេតុការណ៍នេះ បានកើតទ្បើងនៅចំណុចភូមិព្រែកក្មេង ឃុំព្រែកក្មេង ស្រុកល្វាឯម ខេត្តកណ្តាល ដោយម្ចាស់ផ្ទះឈ្មោះ វ៉ាន់ សុខឡៃ ភេទប្រុស អាយុ ២៩ឆ្នាំ ។

តាមសមត្ថកិច្ចបានឲ្យដឹងថា នៅយប់កើតហេតុ មានខ្យល់កន្រ្តាក់ និងភ្លៀងយ៉ាងខ្លាំង បណ្តាលឲ្យបាក់រលំផ្ទះ០១ខ្នង ទំហំ៦X ៦ម៉ែត្រ ប្រក់សង្គ័សី សសរកូនឈើ គ្មានជញ្ជាំង ប៉ុន្តែមិនមាននរណាម្នាក់រងគ្រោះនោះទេ ៕