ភ្នំពេញៈ (ព័ត៌មានបឋម) នៅវេលាម៉ោង០៤ និង៣០ នាទីរសៀលថ្ងៃទី១៩ ខែវិច្ឆិកា ឆ្នាំ២០២១ មានករណីគ្រោះថ្នាក់ចរាចរណ៍ មួយបានកើតឡើង រវាងរថយន្តប្រភេទបែនដឹកដី និងម៉ូតូឌ្រីមសង់ ខណៈបើកបរបានប៉ះទង្គិចគ្នាម៉ូតូនៅក្រោមកង់រថយន្ត បង្កឲ្យមានការភ្ញាក់ផ្អើល ទីតាំងកើតហេតុ ស្ថិតក្នុងទឹកដីសង្កាត់សាក់សំពៅ ខណ្ឌដង្កោ រាជធានីភ្នំពេញ ។

មូលហេតុ៖ មិនទាន់ដឹងច្បាស់នោះទេ ។ ក្រោយពេលកើតហេតុ កម្លាំងសមត្ថកិច្ចនគរបាលជំនាញ ផ្នែកចរាចរណ៍នៅខណ្ឌដង្កោ បានចុះមកដល់ទីតាំងកើតហេតុ ដើម្បីជួយអន្តរាគមន៍ ។ បន្ទាប់មកបានឲ្យភាគីទាំងសងខាង ធ្វើការសម្របសម្រួលគ្នា ដោះស្រាយ បញ្ហាបញ្ចប់រឿងនៅត្រង់ចំណុចកើតហេតុ ។ បើភាគីទាំងពីរ ធ្វើការដោះស្រាយគ្នាមិនត្រូវនោះទេ កម្លាំងសមត្ថកិច្ចនឹងធ្វើការវាស់វែង យកវត្ថុតាងទាំងពីរគ្រឿង ទៅកាន់អធិការដ្ឋាននគរបាលខណ្ឌដង្កោ ដើម្បីរង់ចាំដោះស្រាយគ្នា នៅពេលក្រោយបន្តទៀត តាមនីតិវិធីផ្លូវច្បាប់ ។

សូមបញ្ជាក់ថាៈ ករណីគ្រោះថ្នាក់ចរាចរណ៍ខាងលើនេះ មិនមានមនុស្សរងគ្រោះថ្នាក់នោះទេ ។

សម្រាប់ព័ត៌មានលម្អិតក្រុមការងារ នៃអង្គភាពសារព័ត៌មាន Post News យើងខ្ញុំនឹងផ្សាយជូននៅពេលក្រោយបន្តទៀត ៕