កណ្តាល: យោងតាមផេក ការិយាល័យផ្សព្វផ្សាយតាមបណ្តាញសង្គម បានឲ្យដឹងថា នៅថ្ងៃច័ន្ទ ៣រោច ខែកត្តិក ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី២២ ខែវិច្ឆិកា ឆ្នាំ២០២១ វេលាម៉ោង២២ និង ០០នាទី កិច្ចប្រត្តិបត្តិការ ស្រាវជ្រាវ និងបង្ក្រាបករណីឃាតកម្ម ចំណុចលើផ្លូវព្រែកកំពង់រទេះ ភូមិកំពង់រទេះ ឃុំកោះចិន ស្រុកពញាឮ ខេត្តកណ្តាល ។

ជនរងគ្រោះចំនួន០១នាក់៖ ឈ្មោះ ចិន្តា សុវណ្ណារិទ្ធិ ភេទប្រុស អាយុ៤១ឆ្នាំ ជនជាតិខ្មែរ មុខរបរ កម្មករសំណង់ទីលំនៅភូមិកំពង់ រទេះ ឃុំកោះចិន ស្រុកពញាឮ ខេត្ត កណ្តាល ។ ជនសង្ស័យចំនួន០៣នាក់ (ឃាត់ខ្លួនចំនួន០២នាក់ គេចខ្លួនចំនួន០១នាក់)៖
១–ឈ្មោះ ផន សីហាក់ ហៅផៃ ភេទប្រុស អាយុ៣៤ឆ្នាំ ជនជាតិខ្មែរ មុខរបរ កសិករ ទីលំនៅភូមិ កំពង់រទេះ ឃុំ កោះចិន ស្រុកពញាឮ ខេត្ត កណ្តាល ។ ២–ឈ្មោះ ផន សីហា ភេទប្រុស អាយុ៣៣ឆ្នាំ ជនជាតិខ្មែរ មុខរបរ កម្មករសំណង់ ទីលំនៅភូមិ អណ្តូងពោធិ ឃុំ ក្រឡា ស្រុកកំពង់សៀម ខេត្តកំពងចាម ។ ៣–ឈ្មោះ ផន សីឡូត (គេចខ្លួន) ។

វត្ថុតាងចាប់យក៖ –កាំបិតកញ្ចែត ដងធ្វើពីឫស្សីផ្លែដែក ។ –ញញួរ ធ្វើពីឈើផ្លែដែក ។ –នាឡិកាចំនួន០១។ –ស្បែកជើងស៊ក ។ –បារី ម៉ាក Crown ចំនួន០១កញ្ចប់ ។ –ដែកកេះ ចំនួន ០១ ។

មុនពេល​កើតហេតុ ឈ្មោះ ចន ចាន់ណយ ភេទ ស្រី អាយុ២២ឆ្នាំ ត្រូវជាកូនចុងរបស់ជនរងគ្រោះ បានទៅរាយការណ៍ប្រាប់មេភូមិ កំពង់រទេះ ថា៖ បានបាត់ឪពុកចុងរបស់ខ្លួនឈ្មោះ ចិន្តា សុវណ្ណារិទ្ធិ ពីផ្ទះកាលពីវេលាម៉ោង៣ទៀបភ្លឺ និងឃើញមានស្នាមឈាម នៅលើដីផ្លូវចុះកំពង់ទឹកក្បែរស្ពានកំពង់រទេះ បន្ទាប់មកលោកមេភូមិកំពង់រទេះ បានទៅមើលឃើញ មានស្នាមឈាមច្រើនភ្លាមនោះ ក៏រាយការណ៍ប្រាប់សមត្ថកិច្ចប៉ុស្តិ៍កោះចិន បន្ទាប់មកកម្លាំងប៉ុស្តិ៍ សហការជាមួយកម្លាំងផ្នែកជំនាញ បានចុះមកកន្លែងកើតហេតុ និងបានឃើញមានជើងមនុស្ស ពុំស្គាល់អត្តសញ្ញាណស្លាប់ នៅក្នុងទឹកព្រែកកប់និងកំផ្លោក ក៏រាយការណ៍ប្រាប់លោកអធិការ ។

ក្រោយមកកម្លាំងជំនាញ ធ្វើការពិនិត្យសាកសព យ៉ាងហ្មត់ចត់ពិនិត្យឃើញថា ៖ –សាកសព ស្លៀកខោយឺតជើងខ្លីចង្កេះកៅស៊ូ ពណ៌ប្រផេះ ពាក់អាវយឺតដៃខ្លីកមូល ពណ៌ខៀវ ។ –ស្នាមរបួស បំពង់កដាច់ពីខាងមុខដល់ឆ្អឹងកងក ។ –ស្នាមរបួស មួយចំនួនទៀត ។

សន្ឋិដ្ឋាន៖ សាកសពស្លាប់ដោយ អំពើឃាតកម្ម និងបានប្រគល់សាកសព ជូនប្រពន្ធជនរងគ្រោះ ធ្វើបុណ្យតាមប្រពៃណី ។

បច្ចុប្បន្ន ​ជនសង្ស័យ​ត្រូវ​បានបញ្ជូនមកកាន់អធិការដ្ឋាន​ ដើម្បី​ចាត់ការ​តាមនីតិវិធីច្បាប់​​ ៕