បាត់ដំបងៈ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា នៅថ្ងៃទី២៤ ខែវិច្ឆិកា ឆ្នាំ២០២១ វេលាម៉ោង១៩និង៣០នាទី នៅចំណុចក្រុមទី១២ ស្ថិតនៅភូមិមុខរាហ៍២ ឃុំមុខរាហ៍ ស្រុករុក្ខគិរី ខេត្តបាត់ដំបង មានករណីមនុស្សធ្វើអត្តឃាតចងក សម្លាប់ខ្លួនមួយកើតឡើង ។
ជនរងគ្រោះឈ្មោះ ឡុង ផល ភេទប្រុស អាយុ ៦១ឆ្នាំ រស់នៅភូមិ-ឃុំខាងលើ ។
តាមការបំភ្លឺរបស់សាច់ញាតិជនរងគ្រោះ បានអោយដឹងថា ជនរងគ្រោះធ្វើអត្តឃាតដោយយកខ្សែគោចងក ខ្លួនឯងទៅនឹងដើមកន្ទ្រោបបណ្តាលអោយស្លាប់ ក្រោមមូលហេតុមានវិបត្តិផ្លូវចិត្តខឹងប្រពន្ធស្ដីបន្ទោស ។
ក្រោយពេលកើតហេតុ កម្លាំងនគរបាលជំនាញ សហការជាមួយគ្រូពេទ្យឃុំបានធ្វើកោសល្យវិច្ច័យពិនិត្យសាកសពឃើញថា សពជនរងគ្រោះឈ្មោះ ឡុង ផល ខាងលើពិតជាបានធ្វើអត្តឃាតចងកខ្លួនឯង និងខ្សែគោស្លាប់ពិតប្រាកដមែន ។
បច្ចុប្បន្ន សាកសពបានធ្វើកំណត់ហេតុ និងប្រគល់ជូនក្រុមគ្រួសារសព ដើម្បីយកទៅធ្វើបុណ្យតាមប្រពៃណី ៕
មតិយោបល់