បាត់ដំបងៈ នៅវេលាម៉ោង ១និង៣០ នាទី រំលងអាធ្រាត្រឈានចូលថ្ងៃទី២៨ ខែវិច្ឆិកា ឆ្នាំ២០២១ ស្ថិតចំណុចក្រុមទី៤១ ភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង មានករណីអគ្គិភ័យបានកើតឡើងចំនួន០១លើក បណ្តាលឲ្យឆេះបន្ទប់សម្រាកមើល សៀវភៅ០១បន្ទប់ (ឆេះរោលផ្នែកខាងក្នុង) ទំហំ ៣x៤ មែត្រ កម្ពស់០៣ជាន់ របស់ម្ចាស់ឈ្មោះ កើត មនោរក្ស ភេទប្រុស អាយុ ៥០ឆ្នាំ មុខរបរ គ្រូបង្រៀន រស់នៅក្នុងភូមិសង្កាត់កើតហេតុខាងលើ ។

សម្ភារខូចខាតរួមមាន៖
– កង្ហាព្យួរជញ្ជាំងចំនួន ០១គ្រឿង សៀវភៅមួយចំនួន និងសម្ភារៈសម្រាប់គេង ។
សរុបគិតជាទឹកប្រាក់អស់ប្រហែល ២,០០០,០០០រៀល ។

មូលហេតុ៖ បណ្តាលមកពីការអុជធូបមូស ។

ភ្លាមៗនោះ កងកម្លាំងអន្តរាគមន៍ពន្លត់អគ្គិភ័យ បានចេញរថយន្តពន្លត់អគ្គិភ័យចំនួន ៣គ្រឿង និងប្រើប្រាស់ទឹកអស់ចំនួន ២រថយន្ត៕