ភ្នំពេញ: នៅវេលាម៉ោង ១១និង៣៥នាទីព្រឹក ថ្ងៃសៅរ៍ ១៥រោច ខែកត្តិក ឆ្នាំឆ្លូវត្រីស័កព.ស២៥៦៥ត្រូវនឹងថ្ងៃទី៣ ខែធ្នូ ឆ្នាំ២០២១ មានករណីអគ្គិភ័យមួយកន្លែង បានកើតឡើងនៅចំណុចយានដ្ឋានជួសជុលរថយន្តផ្លូវសម្តេច ជា ស៊ីម ភូមិត្រពាំងស្វាយ សង្កាត់គោកឃ្លាង ខណ្ឌសែនសុខ រាជធានីភ្នំពេញ។

ម្ចាស់ទីតាំងឈ្មោះ វ៉ា សុភា ភេទប្រុស អាយុ ៥៥ឆ្នាំ មុខរបរ ជាងជួសជុលរថយន្ត។

មូលហេតុ៖ បណ្តាលមកពីផ្ទុះហ្គាស។

-ប្រភេទសំណង់: ដែកប្រក់ស័ង្កសីទំហំ២ម៉ែត្រx២ម៉ែត្រ។
-ខូចខាតសម្ភារ: ឆេះបន្ទប់ស្នាក់នៅទំហំ២ម៉ែត្រx២ម៉ែត្រអស់ទាំងស្រុង និងមិនបណ្តាឲ្យឆេះរាលដាលដល់ផ្ទះអ្នកក្បែរខាងឡើយ។

-ស្លាប់មនុស្ស: គ្មាន។
-របួសមនុស្ស: រងរបួសមនុស្សម្នាក់ឈ្មោះ វ៉ា ម៉ារ៉ា ភេទប្រុស អាយុ ៣០ឆ្នាំ មុខរបរ ម្ចាស់ទីតាំងយានដ្ឋានជួសជុលរថយន្ត (ត្រូវជាកូនបង្កើត)។

បានប្រើប្រាស់រថយន្តការិយាល័យអគ្គិភ័យចំនួន ៣គ្រឿង ប្រើប្រាស់ទឹកអស់ ១រថយន្តស្មើរនឹង ០៤ម៉ែត្រគូប។
-រថយន្តជំនួយអន្តរាគមន៍គ្មាន។
-ពន្លត់ចប់នៅវេលាម៉ោង ១១៥០នាទីព្រឹកថ្ងៃខែឆ្នាំដដែល៕