ស្វាយរៀងៈ យោងតាមផេក អធិការដ្ឋាននគរបាលស្រុកចន្ទ្រា បានឲ្យដឹងថា នៅថ្ងៃទី០៩ ខែធ្នូ ឆ្នាំ២០២១ វេលាម៉ោង០៣ និង ៤៥ នាទីទៀបភ្លឺ កម្លាំងជំនាញនគរបាលព្រហ្មទណ្ឌស្រុកចន្រ្ទា ដឹកនាំដោយលោកវរសេនីយ៍ត្រី រាជ វីរៈអធិការរងទទួល ការងារព្រហ្មទណ្ឌ សហការ ជាមួយកម្លាំងប៉ុស្តិ៍នគរបាល រដ្ឋបាលព្រៃគគីរ និងប៉ុស្តិ៍នគរបាលរដ្ឋបាលច្រេសបានឃាត់ខ្លួន មុខសញ្ញាសង្ស័យប្រព្រឹត្តអំពើ ចោរកម្ម (លួចម៉ូតូ) យ៉ាងសកម្មម្នាក់៖

ឈ្មោះ ពៅ វណ្ណ: ភេទប្រុស អាយុ២៧ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិស្វាយ សង្កាត់ចេក ក្រុងស្វាយរៀង ខេត្តស្វាយរៀង ។

នៅពេលឃាត់ខ្លួននោះ សមត្ថកិច្ចដកហូតបានរថយន្តមួយគ្រឿងម៉ាក KIA MORNING ហើយឆែកឆេរនៅក្នុងរថយន្ត ឃើញមានសម្ភារៈមួយចំនួនដូចខាងក្រោម៖

-កន្ត្រៃកាត់ដែកពណ៌ខៀវ ចំនួន០១
-កូនសោធ្វើម៉ូតូ តូច ធំចំនួន០៦
-សោម៉ូតូចំនួន០១
-អត្តសញ្ញាណប័ណ្ណ០១
-កាត់គ្រី០១
-ប័ណ្ណបើកបរ០១
-ប័ណ្ណចាក់សាំង០១
-ប័ណ្ណបង់ពន្ធ០១
-ឯកសារទិញលក់រថយន្ត និង ម៉ូតូចំនួន០២សន្លឹក ។

បច្ចុប្បន្នជនសង្ស័យ រួមនិងសម្ភារៈ ត្រូវបានបញ្ជូនទៅសាលាដំបូងខេត្តស្វាយរៀង ដើម្បីចាត់ការបន្តតាមនីតិវិធីផ្លូវច្បាប់​ ៕