-

ឃាត់ខ្លួនជនសង្ស័យម្នាក់ ករណីឃាតកម្មសម្លាប់ឪពុកចុង

កំពង់ស្ពឺ: យោងតាមផេក ការិយាល័យផ្សព្វផ្សាយតាមបណ្តាញសង្គម បានឲ្យដឹងថា កម្លាំងនគរបាលស្រុកឱរ៉ាល់ សហការជាមួយកម្លាំងប៉ុស្តិ៍ បានឃាត់ខ្លួនជនសង្ស័យម្នាក់ ពាក់ព័ន្ធករណីឃាតកម្មដោយចេតនាលើឪពុកចុង របស់ខ្លួនកាលពីថ្ងៃទី១០ ខែមករា ឆ្នាំ២០២២ ។

លោកវរសេនីយ៍ឯក ប៊ុត ប៊ុនធឿន អធិការនគរបាលស្រុក បានឲ្យដឹងថាជនសង្ស័យ ត្រូវបានកម្លាំងស្រាវជ្រាវ និងឃាត់ខ្លួននៅថ្ងៃទី១២ ខែមករា ឆ្នាំ២០២២ បន្ទាប់ពីកំណត់មុខសញ្ញា និងបើកប្រតិបត្តិការស្រាវជ្រាវអស់រយ:ពេល២៦ម៉ោង នៅភូមិស្រែកិន ឃុំត្រពាំជោរ ស្រុកឱរ៉ាល់ ។

លោកអធិការនគរបាលស្រុក បានឲ្យដឹងថាជនសង្ស័យឈ្មោះ ផ្លេង កម្សត់ ភេទប្រុស អាយុ១៨ឆ្នាំ បានកាប់ទៅលើឪចុងឈ្មោះ ស្រីវ៉ាត ហៅ ឆូវ អាយុ៤៤ឆ្នាំ ដោយកាំបិតផ្គាក់ចំកញ្ចឹង”ក”ស្លាប់ភ្លាមនៅកន្លែងកើតហេតុយប់ថ្ងៃទី១០ ខែមករា ។

លោកវរសេនីយ៍ឯក ប៊ុត ប៊ុនធឿន បានបន្តថា យោងតាមចម្លើយសារភាពជនសង្ស័យ ដោយសារខឹងឪចុងវាយធ្វើបាបម្ដាយរាល់ថ្ងៃនិងចេះធ្វើអំពើអាបធ្មប់ ៕

មតិយោបល់