ភ្នំពេញ: ករណីគ្រោះថ្នាក់ចរាចរណ៍មួយដែលម៉ូតូបុកជាមួយរថយន្តពេញទំហឹងបណ្ដាលឲ្យរងរបួសបញ្ជូនទៅសង្គ្រោះភ្លាមៗចំណែកម៉ូតូរថយន្ដរងការខូចខាតយ៉ាងដំណំហេតុការណ៍ខាងលើបង្កការភ្ញាក់ផ្អើលកាលពីវេលាម៉ោង ១២និង ២០ នាទីថ្ងៃត្រង់ថ្ងៃទី ២៧ ខែមករា ឆ្នាំ២០២២ ទីតាំងកន្លែងកើតហេតុសត្វនៅតាមបណ្តោយផ្លូវបេតុងមុខផ្សារអុីអន 2 សង្កាត់ឃ្មួញ ខណ្ឌសែនសុខ រាជធានីភ្នំពេញ។

តាមប្រភពព័ត៌មាននៅកន្លែងកើតហេតុបានឲ្យដឹងថាមុនដំបូងគេបានឃើញយុវជនម្នាក់ជិះម៉ូតូមួយគ្រឿងស៊េរីឌ្រីមសង់ឆ្នាំ 2017មួយគ្រឿងពាក់ស្លាកលេខ ភ្នំពេញ 1GK-5379 ធ្វើដំណើរក្នុងទិសដៅពីត្បូងទៅជើងមកដល់កើតហេតុស្រាប់តែមានរថយន្តម៉ាករ៉េហ្វ័រមួយគ្រឿងដែលពាក់ស្លាកលេខ ភ្នំពេញ ភ្នំពេញ 1AV-7993 បានបត់ឆ្លងផ្លូវពីលិចទៅកើតបណ្ដាលឲ្យបុកគ្នាពេញទំហឹងរងរបួសបញ្ជូនទៅសង្គ្រោះភ្លាមចំណែកម៉ូតូនិងរថយន្ដរងការខូចខាតយ៉ាងដំណំ។

ក្រោយកើតហេតុសមត្ថកិច្ចមូលដ្ឋាននិងជំនាញចរាចរណ៍នៃអធិការដ្ឋាននគរបាលខណ្ឌសែនសុខ បានចុះដល់កន្លែងកើតហេតុនឹងឲ្យភាគីទាំងសងខាងធ្វើការសម្របសម្រួលគ្នាដោយខាងរថយន្តជួយជាសំណងដល់ជនរងគ្រោះខ្លះដើម្បីព្យាបាលនិងជួសជុលម៉ូតូដើម្បីបញ្ចប់រឿងព្រោះមិនចង់វែងឆ្ងាយរៀងខ្លួន៕