ភ្នំពេញៈ នៅវេលាម៉ោង០១និង៣០នាទីថ្ងៃទី២៦ ខែមករា ឆ្នាំ២០២២ នៅចំណុចផ្លូវលេខ៣១៧ កែង៥៩៦ សង្កាត់បឹងទីកក់២ ខណ្ឌទួលគោក រាជធានីភ្នំពេញ បង្កឡើងដោយរថយន្ត០១គ្រឿងមិនស្គាល់ម៉ាក បើកបរតាមបណ្តោយផ្លូវ៣១៧ ទិសដៅពីលិចទៅកើត ។ លុះមកដល់ចំណុចកើតហេតុ បានបុកជាមួយម៉ូតូ០១គ្រឿងម៉ាក Zoomer ពណ៌ខ្មៅលាយទឹកក្រូច ស្លាកលេខភ្នំពេញ 1FD4733 បើកតាមបណ្តោយផ្លូវ៣១៧ ពីកើតទៅលិច ។ ក្រោយកើតហេតុរថយន្ដបង្កបានបើកគេចខ្លួនបាត់ ។

ជនរងគ្រោះឈ្មោះ ឡាក់ វិសាល ភេទប្រុស អាយុ ២០ ឆ្នាំ ស្នាក់នៅភូមិដំណាក់ធំ សង្កាត់គោកឃ្លាង ខណ្ឌសែនសុខ រាជធានីភ្នំពេញ ។

បច្ចុប្បន្នសពជនរងគ្រោះ យកទៅតម្កល់នៅវត្តទឹកថ្លា ។ ចំណែកម៉ូតូយកទៅរក្សាទុក នៅអធិការដ្ឋាននគរបាលខណ្ឌទួលគោក ដើម្បីស្រាវជ្រាវតាមនីតិវិធី ៕