-

ចៅប្រុសដុតសម្រាមក្រោយផ្ទះ បណ្ដាលឲ្យឆេះរាលដាលដល់ផ្ទះ ខូចខាតទាំងស្រុង នៅខេត្តព្រះវិហារ

ព្រះវិហារ: នៅថ្ងៃទី២៨ ខែមករា ឆ្នាំំ២០២២ វេលាម៉ោង ៣និង៣៥នាទីរសៀល មានករណីភ្លើងឆេះផ្ទះចំនួន ១លើក កើតឡើងនៅភូមិស្រយ៉ង់ត្បូង ឃុំស្រយ៉ង់ ស្រុកគូលែន ខេត្តព្រះវិហារ។

ម្ចាស់ផ្ទះឈ្មោះ លាត វល្លិ ភេទប្រុស អាយុ ៤៥ឆ្នាំ មុខរបរកសិករ ប្រពន្ធឈ្មោះ រ៉េត ណារ័ត្ន អាយុ ៥២ឆ្នាំ មុខរបរកសិករ មានទីលំនៅភូមិឃុំកើតហេតុខាងលើ ។
ផ្ទះពីខ្នង មានទំហំ 8×9ម៉ែត្រ សង់អំពីឈើ ដំបូលប្រក់ក្បឿង ជញ្ជាំងបាំងក្តារ.ក្រាលក្តារ ។

មូលហេតុ៖ ក្មេងប្រុសត្រូវជាចៅរបស់ម្ចាស់ផ្ទះ បានដុតសំរាមនៅក្រោយផ្ទះ បណ្ដាលឲ្យឆេះរាលផ្ទះខូចខាតទាំងស្រុង ។

ខូចខាតទ្រព្យសម្បត្តិ៖
-ប្រាក់ដុល្លារចំនួន ១ម៉ឺនដុល្លារ
-គ្រឿងអលង្ការមាសចំនួន ៨ជី
-គ្រឿងឈើទុកធ្វើផ្ទះចំនួន ១០ម៉ែត្រគីប
-ឈើទុកធ្វើតុក ទូរ ទ្វារ គ្រែ ចំនួន ៤ម៉ែត្រគីប
-ស្រូវចំនួន ៤៥បេរ និងសម្ភារ:ប្រើប្រាស់មួយចំនួនទៀត ។

ប្រើប្រាស់កម្លាំងក្នុងការចូលរួមពន្លត់អគ្គិភ័យ៖
-កម្លាំងប៉ុស្តិ៍ចំនួន ២នាក់ និងប្រជាការពារភូមិចំនួន ៥នាក់ សហការជាមួយកម្លាំងអធិការរដ្ឋាននគរបាលស្រុកគូលែនចំនួន ៧នាក់ និងកម្លាំងកងរាជអាវុធហត្ថស្រុកចំនួន ២នាក់ និងមានការចូលរួមពីប្រជាពលរដ្ឋជិតខាង ។
-ប្រើប្រាស់ទឹកអស់ចំនួន ៥រថយន្ត = ចំនួនទឹក ២៥,០០០លីត្រ ។
-ការពន្លត់បានបញ្ចប់នៅវេលាម៉ោង ៦ល្ងាចថ្ងៃខែដដែល៕

មតិយោបល់