ព្រះសីហនុៈ នាថ្ងៃទី២៨ ខែមករា ឆ្នាំ២០២២ វេលាម៉ោង ៦និនិ១៥នាទីល្ងាច លើផ្លូវសម្ដេចសង្ឃទេពវង្ស ស្ថិតនៅភូមិវាលធំ ឃុំវាលរេញ ស្រុកព្រៃនប់ ខេត្តព្រះសីហនុ មានករណីគ្រោះថ្នាក់ចរាចរណ៍រវាងរថយន្ត និងម៉ូតូ ។

រថយន្ដបង្កម៉ាក SHACMAN ពណ៌ស ពាក់ស្លាកលេខ ភ្នំពេញ 3F-0928 អ្នកបើកបរឈ្មោះ យ៉ុន សុខហេង ភេទប្រុស អាយុ៣២ឆ្នាំ មានទីលំនៅភូមិដំណាក់ហ្លូង ឃុំព្រៃថ្នង ស្រុកទឹកឈូ ខេត្តកំពត ។
ម៉ូតូម៉ាក Smash V ពណ៌ខ្មៅ គ្មានស្លាកលេខ អ្នកបើកបរឈ្មោះ ហេង ប៊ុណ ភេទប្រុស អាយុ ៣១ឆ្នាំ (ស្លាប់) មានទីលំនៅភូមិវាលមាស ឃុំវាលរេញ ស្រុកព្រៃនប់ ខេត្តព្រះសីហនុ។

ដំណើររឿង៖ មុនពេលកើតហេតុគេឃើញរថយន្តបង្ក ធ្វើដំណើរពីកើតទៅលិច លុះមកដល់ចំណុចកើតហេតុ បានកៀរម៉ូតូជនរងគ្រោះ ដែលកំពុងធ្វើដំណើរស្របទិសគ្នា បណ្ដាលឲ្យដួលខ្ទាតជនរងគ្រោះ ចូលក្រោមរថយន្តកិនស្លាប់តែម្ដង។

ក្រោយពីកើតហេតុសមត្ថកិច្ច បានចុះដល់ទីតាំងវាស់វែង យកវត្ថុតាងមករក្សាទុក ដើម្បីដោះស្រាយគ្នាតាមនីតិវិធី ចំពោះសាកសព ប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី៕