ភ្នំពេញៈ បុរសពីរនាក់រងរបួសធ្ងន់ និងស្រាល ខណៈពេលជិះម៉ូតូបត់ឆ្លងផ្លូវបុកគ្នាពេញទំហឹង គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង ៧និង៥០នាទីព្រឹកថ្ងៃទី៨ ខែកុម្ភៈ ឆ្នាំ២០២២ ស្ថិតតាមបណ្ដោយផ្លូវបេតុង ភូមិត្រពាំងល្វា សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។

តាមប្រភពព័ត៌មាននៅកន្លែងកើតហេតុបានអោយដឹងថា នៅមុនពេលកើតហេតុគេឃើញម៉ូតូម៉ាក PCX មួយគ្រឿងពណ៌ខ្មៅ ពាក់ស្លាកលេខ ភ្នំពេញ 1GP-0955 ធ្វើដំណើរតាមបណ្តោយផ្លូវបេតុង ក្នុងទិសដៅពីត្បូងទៅជើង ហើយបានបើកវ៉ាខាងស្តាំដៃរថយន្តមួយគ្រឿង មិនចាំម៉ាកដែលកំពុងធ្វើដំណើរស្របគ្នា ខណៈនោះក៏មានបុរសម្នាក់ ជិះម៉ូតូមួយគ្រឿងម៉ាក M phlas ពណ៌ខ្មៅលាយខៀវ អត់ស្លាកលេខធ្វដណើរស្របគ្នា បានបើកវ៉ាខាងឆ្វេងដៃរថយន្ត ខណៈពេលដល់កន្លែងកើតហេតុម៉ូតូម៉ាក PCX បានបត់ឆ្វេងកាត់មុខរថយន្តផុត បានបន្តិចធ្វើអោយបុរសជិះម៉ូតម៉ាក M phlas ចាប់ហ្វ្រាំងមិនទាន់ក៏ជ្រុលចង្កូតទៅបុកពេញទំហឹង បណ្តាលអោយរងរបួសធ្ងន់ និងស្រាល ២នាក់ ក្រោយកើតហេតបុរសដែលរងរបួសធ្ងន់ ត្រូវបានបញ្ជូនទៅសង្រ្គោះបន្ទាន់នៅគ្លីនិកឯកជន។

ក្រោយកើតហេតុគេឃើញមានសមត្ថកិច្ចជំនាញមូលដ្ឋាន បានចុះទៅដល់ទីតាំងកន្លែងកើតហេតុ ធ្វើការវាស់វែងយកម៉ូតូទាំងពីរគ្រឿង ទៅរក្សាទុកនៅអធិការដ្ឋានខណ្ឌពោធិ៍សែនជ័យ ដើម្បីរង់ចាំការដោះស្រាយ៕