ព័ត៌មានជាតិ

បបួលក្មួយផឹកស៊ីពេលនោះប្រពន្ឋមកផឹកជាមួយ ក៏កើតជាភ្លើងប្រចណ្ឌវាយសម្លាប់ប្រពន្ធភ្លាមៗ ចំណែកក្មួយរបួសធ្ងន់

ក្រចេះ: នគរបាលស្រុកចិត្របុរី តាមបានចាប់ឃាត់ខ្លួនជនដៃដល់ជាប្តីបានភ្លាមៗកាលពីយប់ថ្ងៃទី១២ ខែកុម្ភះ នៅភូមិជួរក្រួច ឃុំថ្មអណ្តើក ស្រុកចិត្របុរី បន្ទាប់ពីជននេះបានធ្វើសកម្មភាពវាយសម្លាប់ស្រ្តីជាប្រពន្ឋដោយអង្រែបុកគ្រឿង និងបានវាយសំពងក្មួយប្រុសបង្កើតសន្លប់បណ្តាលឲ្យរងរបួសធ្ងន់ ដោយសារភ្លើងប្រចណ្ឌ ។
ជនដៃដល់ជាប្តីឈ្មោះមល់ មិន អាយុ៥៧ឆ្នាំ រស់នៅភូមិឃុំ កើតហេតុខាងលើ។
នៅថ្ងៃកើតហេតុ ជនដៃដល់ជាឪពុកមា បានបបួលបុរសរងគ្រោះជាក្មួយ ផឹកលើគ្រែក្បែរផ្ទះ ពេលនោះស្រ្តីជាប្រពន្ឋបានមកផឹកជាមួយ ក៏កើតជាជម្លោះ ដោយសារបុរសដៃដល់ជាប្តីប្រចណ្ឌស្រ្តីរងគ្រោះជាប្រពន្ឋជាមួយនិងក្មួយប្រុសរបស់ខ្លួនដែលកំពុងអង្គុយផឹកស៊ី។ បន្តិចក្រោយមកជនដៃដល់ប្រដាប់ដោយអង្រែបុកគ្រឿង បានវាយសំពងមកលើជនរងគ្រោះជាក្មួយត្រូវចំក្បាលសន្លប់បាត់ស្មារតី និងបានវាយលើស្រ្តីជាប្រពន្ឋបណ្តាលឲ្យស្លាប់នៅនឹងកន្លែង។
អធិការនគរបាលស្រុកចិត្របុរី លោកវរសេនីយ៍ឯក ប៊ុត នឿន បានបញ្ជាក់ថា នគរបាលបានចាប់ខ្លួនជនបង្កបានភ្លាមៗ និងកំពុងកសាងសំណុំរឿងបន្តតាមនីតិវិធី៕

 

មតិយោបល់