ភ្នំពេញៈ (ព័ត៌មានបឋម) នៅវេលាម៉ោង០៣និង៤០នាទីរសៀលថ្ងៃទី១៤ ខែកុម្ភៈ ឆ្នាំ២០២២ មានករណីគ្រោះថ្នាក់ចរាចរណ៍ រថយន្តបូមលូមួយគ្រឿង បើកបរបានជ្រុលទៅបុករះម៉ូតូចូលក្រោមរថយន្ត បណ្តាលឲ្យម្ចាស់ម៉ូតូ រងរបួសធ្ងន់សង្ស័យបាក់ជើង ត្រូវបានរថយន្តសាមុយដឹកបញ្ជូនទៅកាន់មន្ទីរពេទ្យលោកសង្ឃ ដើម្បីជួយសង្រ្គោះ ហេតុការណ៍នេះ បង្កឲ្យមានការភ្ញាក់ផ្អើលកើតឡើង ដល់បងប្អូនប្រជាពលរដ្ឋ និងកម្លាំងសមត្ថកិច្ចនគរបាល ទីតាំងស្ថិតតាមបណ្តោយផ្លូវលេខ២៧១ ក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ។

មូលហេតុ៖ មិនទាន់ដឹងច្បាស់នោះទេ ។ នៅក្រោយពេលកើតហេតុ កម្លាំងសមត្ថកិច្ចនគរបាលការិយាល័យចរាចរណ៍ រាជធានីភ្នំពេញ បានចុះទៅវាស់វែងយកវត្ថុតាងទៅរក្សាទុកជាបណ្តោះអាសន្ន ដើម្បីរង់ចាំធ្វើការដោះស្រាយគ្នានៅពេលក្រោយបន្តទៀត ទៅតាមនីតិវិធីផ្លូវច្បាប់ ៕

សម្រាប់ព័ត៌មានលម្អិតក្រុមការងារនៃអង្គភាពសារព័ត៌មាន Post News នឹងផ្សាយជូននៅពេលក្រោយបន្តទៀត ៕