បរទេស៖ The Goal ចេញផ្សាយនៅថ្ងៃចន្ទនេះបានឲ្យដឹងថាកីឡាករវ័យក្មេងឆ្នើមម្នាក់របស់ក្លឹបតោខៀវ Chelsea កីឡាករArmando Broja កំពុងក្លាយទៅជាកីឡាករគោលដៅម្នាក់របស់ក្លឹបកាំភ្លើងធំ Arsenal។

ប្រភពដដែលបានឲ្យដឹងដែរថា Arsenal គឺបានត្រៀមខ្លួនរួចទៅហើយក្នុងការបើកការចរចាសុំទិញយកកីឡាករខ្សែប្រយុទ្ធរូបនេះពីក្លឹបតោខៀវ Chelsea។

កីឡាករ Broja ដែលមានវ័យទើបតែ២០ឆ្នាំបានជួបបញ្ហាអាជីពជាមួយនឹង Chelsea បន្តិចបន្តួចហើយបច្ចុប្បន្នកំពុងលេងក្នុងលក្ខខណ្ឌខ្ចីជើងឲ្យក្លឹប Southampton នៅឡើយប៉ុន្តែនៅទីនេះគាត់អាចរកគ្រាប់បាល់បានទៅដល់៧គ្រាប់មកហើយ។

ខណៈដែលបញ្ហាខ្សែប្រយុទ្ធកំពុងបន្ត Arsenal ជឿជាក់ថាកំពុងស្វែងរកលទ្ធភាពក្នុងការដោះដូរកីឡាករមួយចំនួនចេញដូចជា Lacazetteនិង Eddie Nkeitiah ជាដើមនៅរដូវក្តៅខាងមុខនេះ៕