ភ្នំពេញៈ នៅវេលាម៉ោង ១១ និង ៣០ នាទីយប់ ថ្ងៃទី២៥ ខែកុម្ភៈ ឆ្នាំ២០២២ មានករណីគ្រោះថ្នាក់ចរាចរណ៍ បុរសពីរនាក់បើក រថយន្តស៊េរីទំនើប បោះពួយយ៉ាងលឿន ខ្វះការប្រុងប្រយ័ត្ន ជ្រុលទៅបុករថយន្តក្រុង បិទឡូហ្គោខារ៉ាបាវ ពីក្រោយពេញទំហឹង បណ្ដាលឲ្យខូចខាតមួយកំណាត់មុខយ៉ាងដំណំ ទីតាំងស្ថិតក្នុងសង្កាត់កាកាប១ ខណ្ឌពោធិ៍សសែនជ័យ រាជធានីភ្នំពេញ ។

នៅមុនពេលកើតហេតុ គេឃើញបុរសពីរនាក់ សង្ស័យស្រវឹងស្រា បើករថយន្តម៉ាស្ដា ពណ៌ស ពាក់ផ្លាកភ្នំពេញ 2BJ1589 ធ្វើដំណើរ ទិសដៅពីទៅលិចទៅកើត ខណៈមកដល់ចំណុចកើតហេតុខាងលើ បានជ្រុលទៅរថយន្តក្រុងបិទឡូហ្គោខារ៉ាបាវ ពណ៌ខៀវ ពាក់ស្លាកលេខភ្នំពេញ 3B 5667 ពេញទំហឹង បណ្ដាលរងការខូចខាតយ៉ាងដំណាំ ។

ក្រោយពេលកើតហេតុ សមត្ថកិច្ចបានឲ្យភាគីសម្រួបសម្រួលគ្នា ដោយខាងរថយន្តម៉ាស្ដាព្រមសង់សំណង បញ្ចប់រឿងនៅនឹងកន្លែងកើតហេតុ ៕