ភ្នំពេញៈ ករណីគ្រោះថ្នាក់ចរាចរណ៍ មួយដែលរថយន្តម៉ាកហ៊ីយ៉ាន់ដាយ អ្នកបើកបរខ្វះកាប្រុងប្រយ័ត្ន បុករថយន្តបែនដឹកដីបើកបត់ឆ្លងផ្លូវ បណ្តាលរងការខូចខាតទាំងសងខាង ហេតុការណ៍ការគ្រោះថ្នាក់ចរាចរណ៍នេះ កើតឡើងកាលពីវេលាម៉ោង០៧និង៤៥នាទីព្រឹកថ្ងៃ ទី២៦ ខែកម្ភៈ ឆ្នាំ២០២២ ស្ថិតតាមបណ្តោយផ្លូវមហាវិថី ឈ្នះ ឈ្នះ ភូមិត្រពាំងធ្នង់ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ។

តាមប្រភពព័ត៌មាននៅកន្លែងកើហេតុ បានឲ្យដឹថា ដំបូងគាត់បានឃើញរថយន្តបែនធុនធំ ម៉ាកហ៊ីយ៉ាន់ដាយ ពណ៌ទឹកប្រាក់-លាយខ្មៅ ពាក់ស្លាកលេខកំពត 3A-0947 ធ្វើដំណើរតាមបណ្តោយផ្លូវមហាវិថី ឈ្នះ ឈ្នះ ក្នុងទិសដៅពីត្បូងទៅជើង ខណៈពេលមកដល់កន្លែងកើតហេតុ បានបត់ឆ្វេង ស្របពេលនោះក៏មានរថយន្តម៉ាកហ៊ីយ៉ាន់ដាយ ពណ៌ស្នូតខៀវ ពាក់ស្លាកលេខ ក 6078 ពភ3 ធ្វើដំណើរតាមក្រោយស្របទិសដៅគ្នា ក៏ចាប់ហ្រ្វាំងមិនទាន់ជ្រុលចង្កូតទៅបុកពេញទំហឹង បណ្តាលអោយរងការខូចខាតរថយន្តទាំងសងខាង សំណាងល្អមិនបណ្តាលអោយមនុស្សណាម្នាក់រងរបួសនោះឡើយ ។

ក្រោយពេលកើតហេតុគេឃើញសមត្ថកិច្ចជំនាញ មូលដ្ឋានបានចុះទៅដល់កន្លែងកើតហេតុ ចុះវាស់វែងយករថយន្តដាក់អែបខាង អោយភាគីទាំងសងខាងធ្វើកាតសម្របសម្រួលគ្នា ដោយយករថយន្តទៅជួសជុលរៀងៗខ្លួន ដើមប្បីបញ្ចប់រឿងនៅនឹងកន្លែងតែម្តង ៕