បាត់ដំបង: យោងតាមផេកអគ្គស្នងការដ្ឋាននគបាលជាតិបានឲ្យដឹងថា កាលពីថ្ងៃទី០២ ខែមីនា ឆ្នាំ២០២២ ត្រង់ចំណុចទួលព្រិច ក្រុមទី៥ ភូមិគរ ឃុំស្នឹង ស្រុកបាណន់ មានករណីអត្តឃាតដោយចងកសម្លាប់ខ្លួនស្លាប់ ១លើក ជនរងគ្រោះឈ្មោះ រុំ ភារិន ភេទប្រុស អាយុ ៣០ឆ្នាំ រស់នៅភូមិឃុំកើតហេតុ បានធ្វើសកម្មភាពដោយយកខ្សែនីឡុងចងនៅនឹងដើមត្រាចខាងត្បូងរោងគោរបស់ខ្លួនចម្ងាយ ១៣២ម៉ែត្រ ដើម្បីបញ្ចប់ជីវិតខ្លួន។
តាមការបំភ្លឺរបស់ប្អូនប្រុសជនរងគ្រោះបានឲ្យដឹងថា នៅយប់ថ្ងៃទី០១ ខែមីនា ឆ្នាំ២០២២ ពេលទៅដេកចាំរោងគោជនរងគ្រោះមិនសូវបានដេកទេចេះតែនិយាយរវើរវាយ លុះព្រឹកឡើងថ្ងៃទី០២ មិនឃើញជនរងគ្រោះត្រឡប់មកផ្ទះវិញបងប្អូននិងឪពុកម្ដាយបានទៅដើររកក៏ឃើញជនរងគ្រោះចងកស្លាប់នៅចំណុចខាងលើនៅវេលាម៉ោង ០៧និង០០នាទីព្រឹក។
ដោយឆ្លងតាមការចុះត្រួតពិនិត្យនៅកន្លែងកើតហេតុ និងសាកសពរបស់ជនរងគ្រោះខាងលើឈ្មោះ រុំ ភារិន សមត្ថកិច្ចអាចសន្និដ្ឋានបានថាជនរងគ្រោះពិតជាចងកធ្វើអត្តឃាតសម្លាប់ខ្លួនស្លាប់ពិតប្រាកដមែន។ បច្ចុប្បន្ន សាកសពជនរងគ្រោះត្រូវបានគ្រួសារយកទៅធ្វើពិធីបុណ្យតាមប្រពៃណីទំនៀមទំលាប់ខ្មែរ៕
មតិយោបល់