កំពង់ចាម: យោងតាមផេកការិយាល័យផ្សព្វផ្សាយតាមបណ្តាញសង្គម បានឲ្យដឹងថា នៅថ្ងៃទី១១ ខែមីនា ឆ្នាំ២០២២ វេលាម៉ោង១៤ និង៣០នាទី បន្ទាប់ពីទទួលព័ត៌មានពីប្រជាពលរដ្ឋ រាយការណ៍ថាមាន ករណីអគ្គិភ័យ(ភ្លើងឆេះផ្ទះ) ប្រជាពលរដ្ឋ នៅចំណុចផ្ទះឈ្មោះ អែម យ៉េកណា ភេទស្រី អាយុ ៥០ឆ្នាំ ស្ថិតក្នុងភូមិសំបួរមាស សង្កាត់សំបួរមាស ក្រុងកំពង់ចាម ភ្លាម លោកឧត្តមសេនីយ៍ទោ ឯម កុសល ស្នងការនគរបាលខេត្ត បានបញ្ជាឲ្យកម្លាំងការិយាល័យបង្ការពន្លត់អគ្គិភ័យ និងសង្រ្គោះ ដឹកនាំផ្ទាល់ដោយលោកឧត្ដមសេនីយ៍ត្រី មិន សុគន្ធវិបុល ស្នងការរងទទួលផែនគ្រប់គ្រងអាវុធគ្រឿងផ្ទុះ និងអគ្គិភ័យ ព្រមទាំងកម្លាំងរបស់អធិការដ្ឋាននគរបាលក្រុងកំពង់ចាម ដឹកនាំដោយលោកវរសេនីយ៍ឯក អ៊ឹង ប៊ុន អធិការនគរបាល និងកម្លាំងប៉ុស្តិ៍រដ្ឋបាលសំបួរមាស រួមជាមួយអាជ្ញាធរភូមិ សង្កាត់ និងប្រជាការពារ ចុះទៅអន្ដរាគមន៍ជួយពន្លត់បានទាន់ពេលវេលា មិនបង្កឲ្យឆេះរាលដាលទៅផ្ទះប្រជាពលរដ្ឋផ្សេងទៀត ។
ក្នុងករណីខាងលើនេះ បង្កឲ្យមានការខូចខាតដូចខាងក្រោម៖
-ផ្ទះ០១ខ្នង ទំហំ ៧ម៉ែត្រ × ១២ម៉ែត្រ សង់អំពីឈើ ប្រក់ក្បឿង ជញ្ជាំក្ដា (ឆេះអស់ទាំងស្រុង)
-ឆេះរថយន្ត០១គ្រឿងទាំងស្រុង ម៉ាកប្រូស
-តុឈើ ចំនួន ០២
-កៅអីឈើ ចំនួន ០២
-គ្រែឈើ ចំនួន ០២និងសម្ភារ:ប្រើប្រាស់ទាំងអស់នៅក្នុងផ្ទះ ម្ចាស់ផ្ទះឈ្មោះ អែម យ៉េកណា ភេទស្រី អាយុ ៥០ឆ្នាំ មុខរបរ លក់ដូរ នៅភូមិ-សង្កាត់ខាងលើ និងមិនមានប៉ះពាល់ រឺរបួសមនុស្សណាម្នាក់ឡើយ ។
មូលហេតុគឺបណ្ដាលមកពីទុស្សេខ្សែភ្លើង ។
ករណីអគ្គិភ័យខាងលើនេះ បានរលត់អស់១០០% នៅវេលាម៉ោង ១៥ និង៣០នាទី នាថ្ងៃខែឆ្នាំដដែលនេះ ដោយប្រើប្រាស់រថយន្តពន្លត់អគ្គិភ័យចំនួន០៤គ្រឿង (រថយន្តស្នងការដ្ឋានខេត្ត០៣គ្រឿង និងរថយន្តអគ្គិភ័យស្រុកកំពង់សៀម០១គ្រឿង) ប្រើប្រាស់អស់ទឹកចំនួន០៧រថយន្ត ៕
មតិយោបល់