ព័ត៌មានជាតិ

កម្លាំងនគរបាល​ស្រុក​បាណ​ន់ ​​ឃាត់ខ្លួន​ជនសង្ស័យម្នាក់​ ​ករណី​រំលោភ​សេពសន្ថវៈ​​ប្អូនថ្លៃ​ជា​អនីតិជន

បាត់ដំបង:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា នៅ​ថ្ងៃ​ទី​២៥​ ខែមីនា​ ឆ្នាំ​២០២២​ វេលា​ម៉ោង​១៤​និង​១៥​នាទី​ កម្លាំង​អធិការដ្ឋាន​នគរបាល​ស្រុក​បាណ​ន់​ បាន​ធ្វើការ​បង្ក្រាប​ឃាត់ខ្លួន​ជនសង្ស័យម្នាក់​ ក្នុង​ករណី​រំលោភ​សេពសន្ថវ:​លើ​ប្អូនថ្លៃ​ជា​អនីតិជន​អាយុ​ក្រោម​ ១៥​ឆ្នាំ ​។​

លោក​វរសេនីយ៍ឯក​ ប៉ាន់​ វ៉ា​ន់​នី​ អធិការ​នគរបាល​ស្រុក​បាណ​ន់​ បានឲ្យ​ដឹង​ថា​ ជនសង្ស័យ​ប្រព្រឹត្តិ​សកម្មភាព​រំលោភ​សេពសន្ថវ:​លើ​ប្អូនថ្លៃ​ខ្លួន​នេះ​មានឈ្មោះ​ ឈិ​ន​ ឆ​ង​ ហៅ​ តាង​ ភេទ​ប្រុស​ អាយុ ​២២ ​ឆ្នាំ​ រស់នៅ​ចំណុច​ភ្នំ​ខ្ពស់​ ភូមិ​តា​ង៉ែ​ន ​ឃុំ​ តា​គ្រាម​ ស្រុក​បាណ​ន់​ ជន​រង​គ្រោះ​ឈ្មោះ​ ភ​.​ដ​ ហៅ​ យ​.​ អាយុ​១៤​ឆ្នាំ​ ។​

​នៅ​ចំពោះ​មុខ​សមត្ថកិច្ច​ ជនសង្ស័យ​ បាន​ឆ្លើយ​សារភាព​ថា​ ខ្លួន​ពិតជា​បាន​រំលោភ​ក្មេង​ស្រី​រង​គ្រោះ​ក្នុងផ្ទះ​ខ្លួន​ត្រង់​ចំណុច​ខាងលើ​ដែល​ត្រូវជា​ប្អូនថ្លៃ​ កាលពី​ថ្ងៃ​ទី​២២​ ខែមីនា​ ឆ្នាំ​២០២២​ វេលា​ម៉ោង​០១​និង​១៥​នាទី​ ពិតប្រាកដ​មែន ​។​

ជនសង្ស័យ​ខាងលើ ​ត្រូវ​បាន​កម្លាំង​នគរបាល​ស្រុក​រៀបចំ​កសាង​សំណុំរឿង​ជនសង្ស័យ​បញ្ជូន​ទៅ​ការិយាល័យ​ជំនាញ​ខេត្ត​ ដើម្បី​អនុវត្ត​បន្ត​តាម​នីតិវិធី​ ៕

មតិយោបល់