បាត់ដំបង: នៅថ្ងៃអាទិត្យ ១០រោច ខែផល្គុន ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី២៧ ខែមីនា ឆ្នាំ២០២២ វេលាម៉ោង ០៩និង០០ នាទីព្រឹក នៅត្រង់ចំណុចលើផ្លូវជាតិ៥៧A ស្ថិតក្នុងភូមិភ្ជាវ ឃុំត្រែង ស្រុករតនមណ្ឌល ខេត្តបាត់ដំបង មានករណីអគ្គិភ័យបណ្តាលឲ្យឆេះរថយន្តចំនួន០១គ្រឿង ម៉ាកកាម៉ារី ពណ៌ខ្មៅ ស៊េរីឆ្នាំ១៩៩២ ពាក់ស្លាកលេខភ្នំពេញ ២R ៤១១១ រងការខូចខាតទាំងស្រុង ។

ម្ចាស់ឈ្មោះ ទួត ស្រស់ ភេទប្រុស អាយុ ៤០ ឆ្នាំ រស់នៅភូមិច្រាំងបាក់ ឃុំឃ្លាំងមាស ស្រុកបវេល ខេត្តបាត់ដំបង ។

មូលហេតុ៖ បណ្ដាលមកពីឆ្លងចរន្តអគ្គិសនី ។ ពុំមានគ្រោះថ្នាក់ដល់មនុស្សទេ ។

ករណីខាងលើងនេះ កងកម្លាំងអន្តរាគមន៍ បង្ការ ពន្លត់ អគ្គិភ័យបានប្រើប្រាស់ រថយន្តពន្លត់អគ្គិភ័យចំនួន០១គ្រឿង ប្រើប្រាស់ទឹកអស់ចំនួន០១ រថយន្ត ៕