កំពង់ស្ពឺៈ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា នៅថ្ងៃអាទិត្យទី០៣ ខែមេសា ឆ្នាំ២០២២ វេលាម៉ោង១៧និង៣៥នាទី ស្ថិតនៅភូមិអំពែភ្នំ សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ មានករណីអគ្គិភ័យកើតឡើងឆេះផ្ទះរបស់ឈ្មោះ ភន ប៊ុនហាន និងប្រពន្ធឈ្មោះ មុន ចាន់នី រស់នៅភូមិកើតហេតុខាងលើ បណ្តាលអោយខូចខាត និងឆេះអស់ផ្ទះចំនួន១ខ្នង ធ្វើពីឈើថ្មពីខាងក្រោមទំហំ ៦×៨ ប្រក់ក្បឿង ជញ្ជាំងធ្វើពីក្តារ សម្ភារៈប្រើប្រាស់មាន គ្រែប្រអប់ចំនួន៣ ពូកចំនួន៣ ទូរទស្សន៍១៤អ៊ីនចំនួន១គ្រឿង ធុងបាស់ចំនួន១ និងលុយចំនួន២០ម៉ឺនរៀល ករណីខាងលើនេះបណ្តាលមកពីឆ្លងចរន្តអគ្គិសនី និងមិនបណ្តាលអោយគ្រោះថ្នាក់ដល់មនុស្សទេ ។
កិច្ចប្រតិបត្តិការរបស់កម្លាំងជំនាញខេត្ត និងកម្លាំងអធិការដ្ឋាននគរបាលក្រុងច្បារមន ដោយប្រើប្រាស់រថយន្តពន្លត់អគ្គិសភ័យចំនួន២គ្រឿង ការិយាល័យជំនាញខេត្ត១គ្រឿង និងអធិការដ្ឋាននគរបាលក្រុង១គ្រឿង បាញ់ទឹកអស់ចំនួន២ពីឡាន ៕
មតិយោបល់