-

កូនប្រុសបង្កើតដុតផ្ទះ របស់ឪពុក ឆេះអស់ទាំងស្រុង នៅខេត្តព្រះវិហារ ត្រូវសមត្ថកិច្ចឃាត់ខ្លួន

ព្រះវិហារ: ថ្ងៃពុធ ១២កើត ខែចេត្រ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី១៣ ខែមេសា ឆ្នាំ២០២២ វេលាម៉ោង ១១និង០០នាទីថ្ងៃត្រង់ មានករណីអគ្គិភ័យឆេះផ្ទះ ប្រជាពលរដ្ឋ អស់ចំនួន ១ខ្នង ដែលស្ថិតនៅភូមិសាស្ត្រជីអោក ឃុំរមណីយ ស្រុករៀង ខេត្តព្រះវិហារ ម្ចាស់ផ្ទះមានឈ្មោះ ទៀង សុខជា ភេទប្រុស អាយុ ៧២ឆ្នាំ រស់នៅភូមិឃុំកើតហេតុខាងលើ។
+ ខូចខាតឆេះផ្ទះចំនួន០១ខ្នងអស់ទាំងស្រុងមានទំហំ ០៦×០៨ មែត្រ តំបូលប្រក់គ្បឿង ជញ្ជាំងបាំងក្តាក្រាលរនាបក្តារ។
+ ខូចខាតសម្ភារ:រួមមាន៖
– គ្រែប្រអប់ចំនួន ១
– ពូកចំនួន ៣
– តុដែកចំនួន ១
– កៅអីជ័រចំនួន ២០
– អត្តសញ្ញាណប័ណ្ណសញ្ជាតិខ្មែរ ៣សន្លឹក និងសម្ភារ:ប្រើប្រាស់មួយចំនួន ។

មូលហេតុ៖ បណ្ដាលមកពីឈ្មោះ ទៀង ចាន់ថន ភេទប្រុស អាយុ ២៨ឆ្នាំ (ត្រូវជាកូនម្ចាស់ផ្ទះ) ជាអ្នកដុតផ្ទះ ។

ក្នុងប្រតិបត្តិការពន្លត់នេះ កងកម្លាំងអន្តរាគមន៍ បានប្រើប្រាស់រថយន្តអគ្គិភ័យចំនួន០១គ្រឿង កម្លាំង២០នាក់ និងប្រើប្រាស់ទឹកអស់ចំនួន ១រថយន្ត៕

មតិយោបល់