កោះកុង: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា នៅថ្ងៃទី២៧ ខែឧសភា ឆ្នាំ២០២២វេលាម៉ោង១០និង១៥នាទីព្រឹក មានករណីរថយន្តក្រឡាប់បង្កដោយខ្លួនឯង រថយន្តម៉ាក SCANIA ពាក់ស្លាក ភ្នំពេញ 3F-4950 នៅចំណុចគល់ស្ពានស្ទឹងក្រយ៉ាង ស្ថិតក្នុងភូមិគគរជ្រុំ ឃុំឫស្សីជ្រុំ ស្រុកថ្មបាំង បណ្តាលឲ្យមនុស្សរងរបួស០១នាក់ប្រុស ។ មូលហេតុ រថយន្តចុះចំណោទលឿន ហ្វ្រាំងមិនស៊ី ។
អ្នកបើកបរឈ្មោះ សំ បូ ភេទប្រុស អាយុ ៤៨ ឆ្នាំ មានទីលំនៅ ភូមិដូង ឃុំតាតៃ ស្រុកកោះកុង ខេត្តកោះកុង មានរបួសផ្ទៃមុខ ជើង ដៃ និងក្បាល ត្រូវបានសមត្ថកិច្ចបញ្ជូនទៅព្យាបាល នៅមណ្ឌលសុខភាពឫស្សីជ្រុំ ៕
មតិយោបល់