ព័ត៌មានជាតិ

​​គ្រោះថ្នាក់​ចរាចរណ៍​ចំនួន​៣​ករណី​ នៅ​ខេត្តសៀមរាប​ បណ្តាល​ឲ្យ​រង​របួសធ្ងន់​ស្រាល​១០​នាក់​

​សៀមរាប:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា នៅ​ថ្ងៃ​ទី​២៦​ ខែឧសភា​ ឆ្នាំ​២០២២​ មាន​ករណី​គ្រោះថ្នាក់​ចរាចរណ៍​ដាច់​ដោយឡែក​ពី​គ្នា​ចំនួន​០៣​ករណី​ លើ​ស្រុក​ចំនួន​ពីរ​ក្នុង​ខេត្តសៀមរាប​ បណ្តាល​ឲ្យ​រង​របួសធ្ងន់​ស្រាល​ចំនួន​១០​នាក់​ ។​

​ករណី​ទី​១​ ៖​ នៅ​ថ្ងៃ​ទី​២៦​ ខែឧសភា​ ឆ្នាំ​២០២២​ វេលា​ម៉ោង​១៦​និង​៣០​នាទី​ នៅ​លើ​ផ្លូវ​លេខ​៦៤​ ត្រង់​ចំណុច​ភូមិ​ថ្នល់​ចែក​ ឃុំ​សំរោង​ ស្រុក​សូទ្រនិគម​ ខេត្តសៀមរាប​ រវាង​ម៉ូតូ​ម៉ាក​ហុងដា​ឌ្រី​ម​ស៊េរី​ឆ្នាំ​២០១៣​ ពណ៌​ខ្មៅ​ ពាក់​ស្លាក​លេខ​ សៀមរាប​ 1R-9617​ បើកបរ​ដោយ​ឈ្មោះ​ ខើច​ សុ​ឃៀ​ម​ ភេទ​ប្រុស​ អាយុ​១៧​ឆ្នាំ​ ទីលំនៅ​បច្ចុប្បន្ន​ ភូមិ​ត្រពាំង​ផុង​ ឃុំ​ ពពេល​ ស្រុក​សូទ្រនិគម​ ខេត្តសៀមរាប​ បើកបរ​ទិស​ដៅ​ពី​ត្បូង​ទៅ​ជើង​ ក្នុង​ល្បឿន​លឿន​ខ្វះ​ការ​ប្រុង​ប្រយ័ត្ន​បាន​បុក​ជាមួយ​ម៉ូតូ​ម៉ាក​ហុងដា​ឌ្រី​ម​សេរី​ឆ្នាំ​២០២០​ ពណ៌​ខ្មៅ​ ពាក់​ស្លាក​លេខ​ សៀមរាប​ 1AH-7741​ បើកបរ​ដោយ​ឈ្មោះ​ បឿន​ ឡា​ ភេទ​ស្រី​ អាយុ​៣៨​ឆ្នាំ​ ទីលំនៅ​បច្ចុប្បន្ន​ ភូមិ​តា​តោក​កើត​ ឃុំ​ចាន់​សរ​ ស្រុក​សូទ្រនិគម​ ខេត្តសៀមរាប​ និង​អ្នក​រួម​ដំណើរ​ឈ្មោះ​ រស់​ រា​ ភេទ​ស្រី​ អាយុ​២៤​ឆ្នាំ​ ទីលំនៅ​បច្ចុប្បន្ន​ ភូមិ​ឃុំ​ជាមួយ​គ្នា​ បើកបរ​ស្រប​ទិស​គ្នា​ បណ្ដាល​ឲ្យ​អ្នកបើកបរ​ម៉ូតូ​នឹង​ឣ្ន​ក​រួម​ដំណើរ​ម៉ូតូ​ហុងដា​ឌ្រី​ម​សេរី​ឆ្នាំ​២០១៣​រង​របួសធ្ងន់​ ហើយ​អ្នកបើកបរ​ម៉ូតូ​ហុងដា​ឌ្រី​ម​ស៊េរី​ឆ្នាំ​២០២០​ រង​របួសធ្ងន់​ ឣ្ន​ក​រួម​ដំណើរ​ម៉ូតូ​ហុងដា​ឌ្រី​ម​សេរី​ឆ្នាំ​២០២០​ រង​របួសស្រាល​ និង​ម៉ូតូ​ខូចខាត​ ២​គ្រឿង​ ស្រាល​ ។​

​ក្រោយ​កើតហេតុ​ សមត្ថកិច្ច​ជំនាញ​បញ្ជូន​ជន​រង​គ្រោះ​ទៅ​សង្គ្រោះ​នៅ​មន្ទីរពេទ្យ​បង្អែក​ ហើយ​វត្ថុ​តាង​យក​មក​រក្សា​ទុក​នៅ​អធិការដ្ឋាន​នគរបាល​ស្រុក​សូទ្រនិគម​ដើម្បី​អនុវត្ត​តាម​នីតិវិធី​បន្ត​ ។​

​ករណី​ទី​២​ ៖​ នៅ​ថ្ងៃ​ទី​២៦​ ខែឧសភា​ ឆ្នាំ​២០២២​ វេលា​ម៉ោង​១៦​និង​១០​នាទី​ ត្រង់​ចំណុច​ក្រុម​ទី​២​ ស្ថិត​ក្នុងភូមិ​តា​កុះ​ ឃុំ​ព្រះ​ដាក់​ ស្រុក​បន្ទាយស្រី​ ខេត្តសៀមរាប​ លើ​ផ្លូវជាតិ​លេខ​៦៧​ មាន​ម៉ូតូ​មួយ​គ្រឿង​ម៉ាក​ HONDA​ DREAM​ ពណ៌​ខ្មៅ​ ស៊េរី​ ២០១៩​ ស្លាក​លេខ​គ្មាន​ បើកបរ​ដោយ​ឈ្មោះ​ ភត់​ ផា​នី​ ភេទ​ប្រុស​ អាយុ​១៧​ឆ្នាំ​ រស់នៅ​ភូមិ​សណ្តាយ​ ឃុំ​ខ្នារ​សណ្តាយ​ ស្រុក​បន្ទាយស្រី​ ខេត្តសៀមរាប​អ្នក​រួម​ដំណើរ​ឈ្មោះ​ ភត់​ ស្រី​នី​ ភេទ​ស្រី​ អាយ​ ១៥​ឆ្នាំ​ មាន​ទីលំនៅ​ជាមួយ​គ្នា​ ។​ បើកបរ​មាន​ទិស​ដៅ​ត្បូង​ទៅ​ជើង​ (​មិន​ពាក់មួក​សុវត្ថិភាព​)​ បាន​បុក​នឹង​ម៉ូតូ​មួយ​គ្រឿង​ម៉ាក​ HONDA​ DREAM​ ពណ៌​ខ្មៅ​ ស៊េរី​ឆ្នាំ​២០១៧​ ស្លាក​លេខ​គ្មាន​ បើកបរ​ដោយ​ឈ្មោះ​ នី​ តង់​នី​ ភេទ​ប្រុស​ អាយុ​ ១៨​ឆ្នាំ​ រស់នៅ​ភូមិ​ថ្នល់​បណ្តោយ​ ឃុំ​ព្រះ​ដាក់​ ស្រុក​បន្ទាយស្រី​ ខេត្តសៀមរាប​ និង​អ្នក​រួម​ដំណើរ​ឈ្មោះ​ សូវ​ សូ​ ភេទ​ប្រុស​ មាន​ទីលំនៅ​ជាមួយ​គ្នា​។​ បើកបរ​មាន​ទិស​ដៅ​ពី​ជើង​ទៅ​ត្បូង​ (​ច្រាសទិស​គ្នា​)​។​ (​មិន​ពាក់មួក​សុវត្ថិភាព​)​។​

ក្នុង​ហេតុការណ៍​នេះ​បណ្តាល​ឲ្យ​រង​របួស​មនុស្ស​ចំនួន​ ០៤​នាក់​ :​ ១-​ឈ្មោះ​ ភត់​ ផា​នី​ ភេទ​ប្រុស​ (​របួសធ្ងន់​)​ ២-​ឈ្មោះ​ ភត់​ ស្រី​នី​ ភេទ​ស្រី​ (​របួសធ្ងន់​)​ ៣-​ឈ្មោះ​ នី​ តង់​នី​ ភេទ​ប្រុស​ (​របួសធ្ងន់​)​ ៤-​ឈ្មោះ​ សូវ​ សូ​ ភេទ​ប្រុស​ (​របួសស្រាល​)​ -​ ខូចខាត​ ម៉ូតូ​ចំនួន​០២​គ្រឿង​(​ធ្ងន់​)​ មូលហេតុ​ ៖​ អ្នកបើកបរ​ម៉ូតូ​ម៉ាក​ HONDA​ DREAM​ ឆ្នាំ​ផលិត​ ២០១៧​ បើកបរ​មិន​ប្រកាន់​ស្តាំ​។​

​ក្រោយ​កើតហេតុ​ សមត្ថកិច្ច​បាន​បញ្ជូន​ជន​រង​គ្រោះ​ទៅ​មន្ទីរពេទ្យ​បង្អែក​ និង​ប្រមូល​វត្ថុ​តាង​បាន​យក​មក​រក្សា​ទុក​នៅ​ អធិការដ្ឋាន​នគរបាល​ស្រុក​បន្ទាយស្រី​ ដើម្បី​ចាត់ការ​តាម​នីតិវិធី​ ។​

​ករណី​ទី​៣​ ៖​ ថ្ងៃ​ទី​២៦​ ខែឧសភា​ ឆ្នាំ​២០២២​ វេលា​ម៉ោង​០៧​និង​៣០​នាទី​ នៅ​លើ​ផ្លូវ​លេខ​៦៤​ ត្រង់​ចំណុច​ភូមិ​ត្របែក​ ឃុំ​ដំ​ដែក​ ស្រុក​សូទ្រនិគម​ ខេត្តសៀមរាប​មាន​គ្រោះថ្នាក់​ចរាចរណ៍​រវាង​ម៉ូតូ​មួយ​គ្រឿង​ម៉ាក​ Hongda​ wave​ ពណ៌​ស​ គ្មាន​ស្លាក​លេខ​ បើកបរ​ដោយ​ឈ្មោះ​ហាក់​ ឧត្តម​ ភេទ​ប្រុស​ អាយុ​៣៧​ឆ្នាំ​ ទីលំនៅ​ភូមិ​សំរោង​ត្រូ​ង​ ឃុំ​ដំ​ដែក​ ស្រុក​សូទ្រនិគម​ ខេត្តសៀមរាប​ បើកបរ​តែ​ម្នាក់ឯង​ក្នុង​ទិស​ដៅ​ពី​ត្បូង​ទៅ​ជើង​ បាន​បុក​ជាមួយ​ម៉ូតូ​មួយ​គ្រឿង​ម៉ាក​ Hongda​ Dream​ ពណ៌​ខ្មៅ​ ស៊េរី​ឆ្នាំ​២០១៩​ ស្លាក​លេខ​កំ​ពង​ធំ​ 1L-1245​ បើកបរ​ដោយ​ឈ្មោះ​ឆោម​ សិ​ថុ​ល​ ភេទ​ប្រុស​ អាយុ​៣១​ឆ្នាំ​ មាន​ទីលំនៅ​ភូមិ​ស្ពាន​តូច​ ឃុំ​ឫស្សី​លោក​ ស្រុក​ជីក្រែង​ ខេត្តសៀមរាប​ ក្នុង​ទិស​ដៅ​ពី​ជើង​ទៅ​ត្បូង​ ដោយ​មាន​អ្នក​ជិះ​ពីក្រោយ​ឈ្មោះ​ថា​ន​ ធា​ ភេទ​ស្រី​ អាយុ​៣១​ឆ្នាំ​ (​មាន​ផ្ទៃពោះ​ត្រូវជា​ប្រពន្ធ​)​ និង​កូនប្រុស​ឈ្មោះ​ថុ​ល​ សិរី​ ភេទ​ប្រុស​ អាយុ​៦​ឆ្នាំ​។​ ហេតុការណ៍​នេះ​បណ្ដាល​ឲ្យ​អ្នកបើកបរ​ម៉ូតូ​ wave​ និង​អ្នក​រួម​ដំណើរ​រង​របួសស្រាល​ ហើយ​ម៉ូតូ​ wave​ ខូចខាត​ស្រាល​ ។​

​ក្រោយ​កើតហេតុ​ សមត្ថកិច្ច​ជំនាញ​បញ្ជូន​ជន​រង​គ្រោះ​ទៅ​សង្គ្រោះ​នៅ​មន្ទីរពេទ្យ​បង្អែក​ ហើយ​វត្ថុ​តាង​ កម្លាំង​ជំនាញ​យក​ទៅ​រក្សា​ទុក​នៅ​អធិការដ្ឋាន​ដើម្បី​រៀបចំ​បន្ត​នីតិវិធី​បន្ត​ ៕

មតិយោបល់