កណ្ដាលៈ នៅវេលាម៉ោង១២និង០០នាទីថ្ងៃត្រង់ថ្ងៃទី២៨ ខែឧសភា ឆ្នាំ២០២២ មានករណីគ្រោះថ្នាក់ចរាចរណ៍ មួយបានកើតឡើង រវាងរថយន្ត និងរថយន្តបុកគ្នាពេញទំហឹង បណ្តាលឲ្យជ្រុលទៅប៉ះម៉ូតូស្កុពីមួយគ្រឿងទៀត រងការខូចខាតយ៉ាងដំណំ ទីតាំងស្ថិតតាមបណ្ដោយផ្លូវលេខ១១៥ ក្នុងសង្កាត់កំពង់សំណាញ់ ក្រុងតាខ្មៅ ខេត្តកណ្ដាល ។

ហេតុការណ៍ករណីគ្រោះថ្នាក់ចរចរណ៍ខាងលើនេះ គេឃើញរថយន្តទាំងពីរគ្រឿងបើកបរ ធ្វើដំណើរតាមបណ្តោយផ្លូវលេខ១១៥ ។ លុះពេលធ្វើដំណើរមកដល់ត្រង់ចំណុចកើតហេតុ ស្រាប់តែរថយន្តពីរគ្រឿងនេះ បុកគ្នាពេញទំហឹង បណ្តាលឲ្យខ្ទាតទៅប៉ះម៉ូតូស្កុពី ពណ៌ស មួយគ្រឿងទៀត រងការខូចខាតយ៉ាងដំណំផងដែរ ។

នៅក្រោយពេលកើតហេតុ ភាគីទាំងសងខាង រង់ចាំកម្លាំងសមត្ថកិច្ចជំនាញចរាចរណ៍ផ្លូវនៅក្នុងមូលដ្ឋាន ចុះមកអន្តរាគមន៍ ។ បន្ទាប់ សមត្ថកិច្ចបានធ្វើការវាស់វែង ទៅតាមនីតិវិធីផ្លូវច្បាប់ ។ ក្នុងហេតុការណ៍ករណីគ្រោះថ្នាក់ចរាចរណ៍នេះ មិនមានមនុស្សរងគ្រោះថ្នាក់អ្វី នោះទេ គឺគ្រាន់តែរងការខូចខាតផ្នែកមធ្យោបាយធ្វើដំណើរតែប៉ុណ្ណោះ ។

សូមបញ្ជាក់ថា ករណីគ្រោះថ្នាក់ចរាចរណ៍នេះ ក្រុមការងារនៃអង្គភាពសារព័ត៌មានPost News យើងខ្ញុំមិនទាន់ដឹងច្បាស់ពីដំណោះ ស្រាយយ៉ាងណានោះទេ នេះគ្រាន់តែជាព័ត៌មានបឋមតែប៉ុណ្ណោះ ៕